தமிழ்நாடு அரசின் மிக முக்கியமான திட்டங்களில் ஒன்றான கலைஞர் மகளிர் உரிமைத் தொகை திட்டம், சுமார் 1.31 கோடி பெண்களின் வாழ்வாதாரத்திற்கு மாதம் 1,000 ரூபாய் வழங்கிப் பெரும் உறுதுணையாக இருந்து வருகிறது. தற்போது தேர்தல் நடைமுறைகளால் தற்காலிகமாக நிறுத்தி வைக்கப்பட்டிருந்தாலும், தேர்தலுக்குப் பிறகு அமையும் புதிய அரசு இத்தொகையை உயர்த்தி வழங்கவும், திட்டத்தைத் தொடரவும் வாய்ப்புகள் அதிகம் என எதிர்பார்க்கப்படுகிறது. இருப்பினும், இத்திட்டத்தின் பலனைத் தொடர்ந்து பெற வேண்டுமெனில், அதன் அடிப்படை ஆதாரமான ரேஷன் கார்டு (Ration Card) முறையாகச் செயல்பாட்டில் இருக்க வேண்டியது அவசியமாகும்.
மகளிர் உரிமைத் தொகைக்கான தகுதியைப் பராமரிக்க, பயனாளிகள் தங்கள் ரேஷன் கார்டை முடக்கப்படாமல் பார்த்துக் கொள்ள வேண்டும். ஒருவேளை நீங்கள் தொடர்ந்து மூன்று மாதங்களுக்கு மேல் ரேஷன் பொருட்களை வாங்காமல் இருந்தால், உங்கள் கார்டு தானாகவே முடக்கப்பட வாய்ப்புள்ளது. அவ்வாறு கார்டு முடக்கப்பட்டால், அரசின் எந்தவொரு நலத்திட்ட உதவிகளும் உங்களுக்குக் கிடைக்காது. எனவே, வெளியூரில் வசித்தாலும் சரி, அவ்வப்போது ரேஷன் கடைக்குச் சென்று பொருட்களை வாங்கி கார்டை செயல்பாட்டில் வைத்திருப்பது மிக முக்கியம்.
அடுத்ததாக, ரேஷன் கடையில் வாங்கும் பொருட்களை எக்காரணம் கொண்டும் வெளியில் விற்பனை செய்யக்கூடாது. குறிப்பாக, இலவச அரிசி, சர்க்கரை அல்லது பருப்பு போன்ற பொருட்களை வெளிச்சந்தையில் விற்பது சட்டப்படி குற்றமாகும். அரிசி கடத்தலில் ஈடுபடுபவர்கள் அல்லது பொருட்களை விற்பனை செய்பவர்களின் ரேஷன் கார்டுகள் நிரந்தரமாக ரத்து செய்யப்படும் அபாயம் உள்ளது. ரேஷன் கார்டு ரத்து செய்யப்பட்டால், தானாகவே மகளிர் உரிமைத் தொகை பயனாளிகள் பட்டியலில் இருந்தும் உங்கள் பெயர் நீக்கப்படும் என்பதை நினைவில் கொள்ள வேண்டும்.
அரசு அதிகாரிகள் ஒவ்வொரு மாதமும் பயனாளிகளின் பட்டியலைத் தீவிரமாகப் பரிசீலனை செய்வார்கள். இதில் உயிரிழந்தவர்களின் பெயர்கள் நீக்கப்படுவதோடு, சட்ட விதிமீறல்களில் ஈடுபட்டு கார்டு முடக்கப்பட்டவர்களின் பெயர்களும் உடனடியாக நீக்கப்படும். எனவே, 1,000 ரூபாய் உரிமைத் தொகை எவ்விதத் தடையுமின்றி உங்கள் வங்கிக் கணக்கிற்கு வர வேண்டும் எனில், ரேஷன் கார்டு விதிகளை முறையாகப் பின்பற்றுவதும், நேர்மையான முறையில் பொருட்களைப் பெறுவதும் அவசியமாகும்.
கூட்டணியில் இருந்து காங்கிரஸ் கட்சி விலகியது குறித்து தனக்கு எந்தவித கவலையும் இல்லை என்று திமுகவின் ஆர்.எஸ். பாரதி தெரிவித்துள்ளார்.…
மும்பை மற்றும் அதன் சுற்றுவட்டாரப் பகுதிகளில் கோடைக்காலத்தில் மாம்பழங்களுக்கான தேவை அதிகரித்துள்ள நிலையில், மகாராஷ்டிர உணவு மற்றும் மருந்து நிர்வாகம் …
தமிழக வெற்றிக் கழகத் தலைவர் விஜய்க்கு புதிய சிக்கல் ஏற்பட்டுள்ளது. விஜய் தனது அறுதிப் பெரும்பான்மையை நிரூபிக்கும் வரை அவருக்குப்…
தமிழக வெற்றிக் கழகத்திற்கு (தவெக) அனைத்திந்திய அண்ணா திராவிட முன்னேற்றக் கழகம் (அதிமுக) ஆதரவு அளிக்காது என்று அக்கட்சியின் மூத்த…
சமூக வலைதளங்களில் வைரலாகி வரும் அந்த வீடியோவில், பள்ளிச் சீருடை அணிந்து தோளில் பையுடன் இருக்கும் சிறுவன் ஒருவன், வெயிலின்…
தமிழகத்தில் ஆட்சி அமைக்க உரிமை கோரியுள்ள தமிழக வெற்றிக் கழகத் தலைவர் விஜய்யிடம், பெரும்பான்மையை நிரூபிக்கத் தேவையான 118 எம்.எல்.ஏ-க்களின்…