“நயன்தாராவிடம் ஒப்புதல் வாங்காமல் இதை செய்யமாட்டேன்!”… இத்தனை நாள் வெளியே தெரியாத சீக்ரெட்… வைரலாகும் விக்கி – நயன் ‘Love Story’…!!!

இயக்குநர் விக்னேஷ் சிவன் மற்றும் நடிகை நயன்தாரா தம்பதியினர் காதலித்துத் திருமணம் செய்துகொண்டு, தற்போது தங்களது இரட்டை ஆண் குழந்தைகளுடன் மகிழ்ச்சியான வாழ்க்கையைத் தொடர்கின்றனர். திருமணத்திற்குப் பிறகும் நயன்தாரா கதையின் நாயகிக்கு முக்கியத்துவம் அளிக்கும் படங்களைத் தேர்ந்தெடுத்து நடித்து வருகிறார். இதற்கிடையில், விக்னேஷ் சிவன் இயக்கத்தில் சமீபத்தில் வெளியான ‘எல்.ஐ.கே.’ திரைப்படம் ரசிகர்களிடையே நல்ல வரவேற்பைப் பெற்று வருகிறது.

தனது மனைவி நயன்தாரா குறித்து நெகிழ்ச்சியுடன் பகிர்ந்துள்ள விக்னேஷ் சிவன், தங்கள் காதல் இன்னும் ஒரு கவிதை போல அழகாக இருப்பதாகக் குறிப்பிட்டுள்ளார். தான் எழுதும் ஒவ்வொரு பாடலையும் முதலில் நயன்தாராவுக்கு அனுப்பி, அவரின் ஒப்புதலைப் பெற்ற பின்னரே இசையமைப்பாளரிடம் வழங்குவதை வழக்கமாகக் கொண்டுள்ளார். ஒரு நல்ல காரியத்தைத் தொடங்கும் முன் கடவுளிடம் வேண்டுவதைப் போல, நயன்தாராவின் கருத்தை தான் மதிப்பதாக அவர் தெரிவித்துள்ளார்.

தங்களுக்குள் சண்டைகள் நடக்கும் நேரத்திலும், தான் அனுப்பும் பாடலைப் படித்துவிட்டு நயன்தாரா இதயக் குறிகளை (Emoji) அனுப்பி தனது அன்பை வெளிப்படுத்துவார் என்று விக்னேஷ் சிவன் கூறியுள்ளார். மற்ற மனைவிகளைப் போலவே நயன்தாராவுக்கும் கோபம் வரும் என்றாலும், அவரைப் போல மென்மையானவர் யாரும் இல்லை என்றும், இருவரும் இணைந்து காரில் பயணம் செய்துகொண்டே பாடல்களைக் கேட்பது தங்களுக்குப் பிடித்தமான ஒன்று என்றும் அவர் அந்தப் பேட்டியில் நெகிழ்ந்துள்ளார்.