அமெரிக்காவின் டெக்சாஸ் மாகாணத்தில் உள்ள ஒரு மளிகைக் கடையில் கடந்த 2025-ம் ஆண்டு ஏப்ரல் மாதம் ஒரு கொடூர சம்பவம் அரங்கேறியது. அங்கு இரவு நேரப் பணியில் தனியாக ஈடுபட்டிருந்த கர்ப்பிணியான பெண் ஊழியர் ஒருவர், குளிர்பானம் வாங்க வந்த இளைஞர் ஒருவருக்கு உதவினார். லோகன் மைக்கேல் பார்க்கர் என்ற அந்த 23 வயது இளைஞரின் பணப் பரிவர்த்தனை அட்டை நிராகரிக்கப்பட்டதால், இரக்கப்பட்ட அந்தப் பெண் தனது ஊழியர் சலுகையை பயன்படுத்தி அவருக்கு அதனை இலவசமாக வழங்கினார். ஆனால், அந்த உதவியைப் பெற்றுக் கொண்டு செல்வதற்குப் பதிலாக, தனது வாகனத்தை இருட்டில் நிறுத்திவிட்டு மீண்டும் கடைக்குள் புகுந்த லோகன், அந்த கர்ப்பிணிப் பெண்ணை கழிப்பறைக்கு வலுக்கட்டாயமாக இழுத்துச் சென்று கொடூரமாக பாலியல் வன்கொடுமை செய்ததோடு, அவரது செல்போனையும் திருடிச் சென்றான்.
இந்த பயங்கரத் தாக்குதலுக்குப் பிறகு, கடையில் வாடிக்கையாளர்கள் வரும் வரை அந்தப் பெண் அச்சத்தோடு அங்கேயே பதுங்கியிருந்தார். அதன் பின்னர் அவரை மீட்ட வாடிக்கையாளர்கள் உடனடியாக காவல் துறைக்கு தகவல் தெரிவித்தனர். சம்பவ இடத்திற்கு விரைந்த காவல்துறையினர், கடையில் இருந்த கண்காணிப்பு கேமரா பதிவுகளை தீவிரமாக ஆய்வு செய்தனர். அதன் அடிப்படையில் குற்றவாளியின் வாகனத்தை அடையாளம் கண்ட மாண்ட்கோமரி கவுண்டி ஷெரிஃப் அதிகாரிகள், சம்பவம் நடந்த வெறும் ஆறு மணி நேரத்திலேயே லோகனைச் சுற்றி வளைத்துக் கைது செய்தனர். மேலும், பாதிக்கப்பட்ட பெண்ணின் பாதுகாப்பை கருத்தில் கொண்டு அவரது பெயரோ, அடையாளமோ பொதுவெளியில் வெளியிடப்படவில்லை.
இந்த வழக்குத் தொடர்பான நீதிமன்ற விசாரணையில் லோகன் மீதான குற்றச்சாட்டுகள் சந்தேகத்திற்கு இடமின்றி நிரூபிக்கப்பட்டன. இதனால் அவனுக்கு இரண்டு ஆயுள் தண்டனைகளை ஏககாலத்தில் அனுபவிக்க வேண்டும் என மாண்ட்கோமெரி கவுண்டி நடுவர் மன்றம் அதிரடி தீர்ப்பளித்துள்ளது. டெக்சாஸ் சட்ட விதிகளின்படி, அவன் குறைந்தது 30 ஆண்டுகள் சிறையில் கழித்த பிறகே பரோலில் வர விண்ணப்பிக்கத் தகுதி பெறுவான். இந்த வழக்கில் பாதிக்கப்பட்ட கர்ப்பிணிப் பெண் காட்டிய அபாரமான தைரியமும், அவர் அளித்த உறுதியான சாட்சியமுமே குற்றவாளிக்கு இந்த ஆயுள் தண்டனை கிடைக்க முக்கியக் காரணம் என அரசு தரப்பு தலைமை வழக்கறிஞர் லாரா ஹில் வெகுவாகப் பாராட்டியுள்ளார்.
ஆந்திர முன்னாள் முதலமைச்சர் ஒய்.எஸ். ஜெகன் மோகன் ரெட்டியின் இல்லத் திருமண வரவேற்பு விழா சென்னையில் கோலாகலமாக நடைபெற்றது. இந்த…
மே 13 அன்று சட்டசபையில் நடந்த நம்பிக்கை வாக்கெடுப்பில் முதலமைச்சர் விஜய் 144 எம்.எல்.ஏ-க்களின் ஆதரவோடு தனது பெரும்பான்மையை நிரூபித்தார்.…
விழுப்புரம் மாவட்டம் செஞ்சி அருகே உள்ள ஆலம்பூண்டி கிராமத்தைச் சேர்ந்த வடிவேலு - பவானி தம்பதியின் 7 வயது மகள்…
ராஜஸ்தான் மாநிலம் சீகர் மாவட்டத்தில் உள்ள ரீங்கஸ் - காடூ ஷ்யாம் பிரதான சாலையில் பெரும் விபத்து ஒன்று நொடிக்…
தமிழகத்தில் விரைவில் நடைபெறவுள்ள அம்பாசமுத்திரம் உள்ளிட்ட 5 சட்டசபை தொகுதிகளுக்கான இடைத்தேர்தல் களத்தில் அரசியல் சூடுபிடித்துள்ள சூழலில், அம்பாசமுத்திரம் தொகுதியில்…
பாகிஸ்தானை தளமாகக் கொண்ட ஐ.எஸ்.ஐ ஆதரவு பெற்ற ஷெஹ்சாத் பாட்டி தலைமையிலான தீவிரவாத வலைப்பின்னல், இந்திய இளைஞர்களை இலக்கு வைத்து…