“அமெரிக்க வீரர்களை கொன்றால் $30,000…. வீராங்கனைகளுக்கு $60,000″…. ஈரானின் பகீர் அறிவிப்பு…. உலக நாடுகள் அதிர்ச்சி….!

மத்திய கிழக்கில் அமெரிக்கா மற்றும் ஈரான் இடையே நீடித்து வரும் தீவிர மோதல்களுக்கு மத்தியில், நிலைமையை மேலும் பதற்றமடையச் செய்யும் வகையில் ஈரானிய ராணுவ தளபதி அமீர் ஹடாமி அதிர்ச்சியூட்டும் அறிவிப்பு ஒன்றை வெளியிட்டுள்ளார். அதன்படி, அமெரிக்க ராணுவ வீரர்களை உயிருடன் பிடிப்பவர்களுக்கோ அல்லது கொல்பவர்களுக்கோ 30,000 அமெரிக்க டாலர்கள் பரிசாக வழங்கப்படும் என்றும், இத்தகைய தாக்குதல்களில் ஈடுபடும் வீராங்கனைகளுக்கு இந்த வெகுமதி இரட்டிப்பாக 60,000 டாலர்களாக வழங்கப்படும் என்றும் அவர் கூறியுள்ளார். மேலும், அமெரிக்க வீரரைத் தாக்கப் பயன்படுத்தப்படும் ஆயுதம் சந்தை விலையை விட இரு மடங்கு அதிக விலைக்கு ஈரானிய ராணுவத்தால் வாங்கப்பட்டு, அருங்காட்சியகத்தில் வைக்கப்படும் எனவும், தாக்குதல் நடத்திய நபருக்கு புதிய ஆயுதம் பரிசாக வழங்கப்படும் என்றும் அறிவிக்கப்பட்டுள்ளது.

கடந்த பிப்ரவரி 28 முதல் இரு நாடுகளுக்கும் இடையே நடந்து வரும் இந்த மோதல்களில் ஏற்கனவே 17 அமெரிக்க வீரர்கள் உயிரிழந்துள்ள நிலையில், இந்த புதிய அறிவிப்பு வெந்த புண்ணில் வேல் பாய்ச்சுவது போல் அமைந்துள்ளது. கடந்த ஜூன் 17 அன்று கையெழுத்தான ‘இஸ்லாமாபாத் புரிந்துணர்வு ஒப்பந்தத்தின்’ கீழ் எட்டப்பட்ட தற்காலிகப் போர்நிறுத்தம் தற்சமயம் மிகவும் பலவீனமான நிலையிலேயே உள்ளது. ஈரானிய ராணுவத்தின் இந்த பகிரங்கமான வெகுமதி அறிவிப்பு, இரு நாடுகளுக்கு இடையேயான ராணுவப் பதற்றத்தை உச்சக்கட்டத்திற்கு கொண்டு சென்றுள்ளதுடன், சர்வதேச சமூகத்தில் பெரும் அச்சத்தையும் பரபரப்பையும் ஏற்படுத்தியுள்ளது.