“நான் சொன்னா கேக்க மாட்டியா, நீ போனா நான் செத்துடுவேன்”… கணவன் பேச்சை மீறி சென்ற மனைவி… அடுத்து நடந்த திடுக்கிடும் சம்பவம்…!

பொள்ளாச்சி மாவட்டம் சோமநாதபுரம் பகுதியை சேர்ந்த ரகுபதி ராம் (54) என்பவருக்கு திருமணம் ஆகி வெண்ணிலா (45) என்ற மனைவி உள்ளார். ரகுபதி ராம் இன் தம்பி செந்தில் குமாரும் தனது அண்ணனுடன் வசித்து வந்துள்ளார். இந்நிலையில் ரகுபதிராமின் மனைவி, சமையல் வேலைக்கு சென்று வந்துள்ளார். இது கணவருக்கு பிடிக்கவில்லை. ஒரு கட்டத்தில் வேலைக்கு செல்ல வேண்டாம் என்று தன் மனைவியிடம் அவர் கூறிய நிலையில் கணவன் மனைவியிடையே இதனால் அடிக்கடி தகராறு ஏற்பட்டுள்ளது.

இந்நிலையில் சம்பவத்தன்று ரகுபதி ராமின் மனைவி சமையல் வேலைக்கு செல்வதாக கூறியுள்ளார். இதனால் ஆத்திரமடைந்த ரகுபதி ராம் மனைவி சமையல் வேலைக்கு செல்ல வேண்டாம் என்று கண்டித்துள்ளார். ஆனால் தனது பேச்சை மீறி சமையல் வேலைக்குச் சென்றால் விஷம் குடித்து தற்கொலை செய்யப் போவதாக மிரட்டியுள்ளார். இருந்தாலும் அவருடைய பேச்சை மீறி மனைவி வேலைக்கு சென்றுள்ளார். இதனால் விரத்தி அடைந்த ரகுபதி ராம் விஷம் குடித்து தற்கொலைக்கு முயன்று உள்ளார். உடனே செல்போன் மூலம் மனைவியிடம் இதை கூறிய நிலையில் இதனை கேட்டு அதிர்ச்சி அடைந்த மனைவி செந்தில்குமாரிடம் தகவல் அளித்துள்ளார்.

உடனே அவர் அண்ணனை மருத்துவமனைக்கு அழைத்துச் செல்ல முயன்ற நிலையில் இருவரிடையே ஏற்பட்ட தகராறில் தன்னுடைய தம்பியை ரகுபதி ராம் அறிவாளால் வெட்டி படுகொலை செய்துள்ளார். உடனே இது குறித்து தகவல் அறிந்து சம்பவ இடத்திற்கு விரைந்த போலீசார் செந்தில்குமார் உடலை மீட்டு பிரேத பரிசோதனைக்காக மருத்துவமனைக்கு அனுப்பி வைத்தனர். மேலும் உயிருக்கு போராடிக் கொண்டிருந்த ரகுபதிராமை மருத்துவமனையில் சிகிச்சைக்காக அனுமதித்தனர். இது தொடர்பாக வழக்கு பதிவு செய்து போலீசார் விசாரணை நடத்தி வருகிறார்கள்.