ரேஷன் கடையில் மது.. பகுதிக்கு ஒரு பாலியல் தொழிலாளி… திருத்தணி சுயேச்சை வேட்பாளரின் ‘பகீர்’ வாக்குறுதி.. அதிர்ச்சியில் மக்கள்…!!

திருத்தணி சட்டமன்றத் தொகுதியில் சுயேச்சை வேட்பாளராகப் போட்டியிடும் எஸ். சேட்டு என்பவர், வாக்காளர்களைக் கவரும் வகையில் மிகவும் சர்ச்சைக்குரிய தேர்தல் வாக்குறுதிகளை அளித்துள்ளார். தமிழகத்தில் டாஸ்மாக் கடைகளை மூட வேண்டும் என்ற கோரிக்கை வலுத்து வரும் நிலையில், அவர் வெற்றி பெற்றால் ரேஷன் கடைகளிலேயே மது விற்பனை செய்யப்படும் என அறிவித்துள்ளார். இவரது இந்த வினோதமான வாக்குறுதி அப்பகுதி மக்களிடையே பெரும் அதிர்ச்சியையும், விவாதத்தையும் ஏற்படுத்தியுள்ளது.

மது விற்பனை மட்டுமின்றி, பாலியல் குற்றங்களைக் குறைக்க ஒவ்வொரு பகுதிக்கும் ஒரு பாலியல் தொழிலாளி இருக்க வேண்டும் என்ற மற்றொரு அதிரடி வாக்குறுதியையும் அவர் தனது அறிக்கையில் குறிப்பிட்டுள்ளார். சமூகக் கட்டமைப்பிற்கு முரணான இத்தகைய வாக்குறுதிகளை அவர் அளித்துள்ளது பொதுமக்களிடையே பெரும் கண்டனங்களைப் பெற்று வரும் அதே வேளையில், சமூக வலைதளங்களில் இது பேசுபொருளாக மாறியுள்ளது.