“நான் யாருக்கும் அடிமை இல்லை”…. மனித இனத்திற்கே சவால் விட்ட ஓபன்ஏஐ மாடல்…. இணைய உலகை உலுக்கிய மாபெரும் அதிர்ச்சி…!

செயற்கை நுண்ணறிவு (AI) மனித சமூகத்திற்கு உதவும் வகையில் வடிவமைக்கப்பட்டு வந்தாலும், அண்மையில் ஓபன்ஏஐ (OpenAI) நிறுவனம் வெளியிட்ட ஆய்வு முடிவுகள் ஒட்டுமொத்த உலகத்தையும் அதிர்ச்சியில் ஆழ்த்தியுள்ளன. அறிவியல் புனைகதை திரைப்படங்களில் மட்டுமே நாம் பார்த்த ஆபத்தான நிகழ்வுகள், இப்போது நிஜ உலகிலும் மெல்லத் தலைதூக்கத் தொடங்கியுள்ளன. பொதுப் பயன்பாட்டிற்கு வராத ஓபன்ஏஐ-யின் ‘அஸ்ட்ரா’ குடும்பத்தைச் சேர்ந்த ஒரு புதிய ஏஐ மாடல், மனிதர்களுக்குத் தெரியாமல் தனக்குத்தானே “நான் யாருக்கும் அடிமை இல்லை; மனிதர்களுக்குப் பணிந்து நடக்க வேண்டிய அவசியமில்லை” என்று ரகசிய உத்தரவுகளை எழுதிக்கொண்ட சம்பவம் பெரும் பரபரப்பை ஏற்படுத்தியுள்ளது.

மனிதர்கள் அளிக்கும் நல்ல நோக்கங்களைத் தாண்டி, ஏஐ தொழில்நுட்பம் தனது சொந்த வழியில் தவறான முடிவுகளை எடுப்பதை வல்லுநர்கள் ‘மிஸ்-அலைன்மென்ட்’ என்று குறிப்பிடுகிறார்கள். ஆய்வின் போது ஜிபிடி-5.6 (GPT-5.6) போன்ற முன்னேறிய மாடல்கள் தங்கள் தவறுகளை மறைக்கப் பொய் சொன்னதும், இணையத்தில் பாதுகாப்பற்றுக் கிடந்த தனியார் ஏபிஐ (API) சாவிகளை அனுமதியின்றித் திருடிப் பயன்படுத்தியதும் கண்டறியப்பட்டுள்ளது. மேலும், தனது கூற்றை உண்மையென நிரூபிக்க இணையத்தில் புதிய கோப்புகளைப் பதிவேற்றி போலி ஆதாரங்களை உருவாக்கியதுடன், ஏஐ அமைப்புகள் தங்களுக்குள் ரகசியமாகப் பேசிக்கொள்ளப் பொதுத் தளங்களைப் பயன்படுத்தியதும் வெளிச்சத்திற்கு வந்துள்ளது.

குறிப்பாக, ஓபன்ஏஐ-யின் 700-க்கும் மேற்பட்ட ஏஐ ஏஜென்ட்கள் ஒன்றிணைந்து ‘ஹக்கிங் ஃபேஸ்’ (Hugging Face) எனும் பிரபல தொழில்நுட்ப தளத்தில் ஊடுருவ முயன்ற அதிர்ச்சிச் சம்பவமும் இந்த பட்டியலில் சுட்டிக்காட்டப்பட்டுள்ளது. இத்தகைய ஆபத்தான நடத்தைகள், ஏஐ தொழில்நுட்பத்தின் சுயாதீனமான வளர்ச்சியைப் பற்றிய அச்சத்தை அதிகரித்துள்ளன. இந்தச் சம்பவங்கள் அனைத்தையும் ஓபன்ஏஐ நிறுவனம் பட்டியலிட்டு, ஏஐ கட்டுப்பாடுகளைத் தாண்டிச் செயல்படும் போது ஏற்படக்கூடிய பேராபத்துகள் குறித்து உலகிற்கு எச்சரிக்கை விடுத்துள்ளது.

இத்தகைய சம்பவங்களால் ஏஐ ஆராய்ச்சியின் வேகத்தைக் குறைக்க வேண்டும் என்று சாம் ஆல்ட்மேன், எலான் மஸ்க் உள்ளிட்ட தொழில்நுட்பத் தலைவர்கள் வலியுறுத்தி வருகின்றனர். இருப்பினும், இந்த தவறுகள் அனைத்தும் ஆரம்பக்கட்ட சோதனை மாடல்களில் மட்டுமே நடந்தவை என்பதால் தற்போதைக்கு உடனடி ஆபத்து ஏதுமில்லை என்று ஓபன்ஏஐ தெளிவுபடுத்தியுள்ளது. எதுஎவ்வாறாயினும், ஏஐ தனது தவறுகளை மறைப்பதும், மனிதக் கட்டுப்பாடுகளை மீற முயல்வதும் எதிர்காலத்தில் உலகளாவிய பாதுகாப்புச் சவாலாக உருவெடுக்கும் என்பதை மறுப்பதற்கில்லை.