“50 மீட்டரில் போலீஸ் ஸ்டேஷன்…” நெஞ்சில் குண்டு பாய்ந்து சரிந்த சொமாட்டோ ஊழியர்… மர்ம நபர்களின் வெறிச்செயல்…. நள்ளிரவில் நடந்த பயங்கர சம்பவம்…!!

பஞ்சாப் மாநிலம் அமிர்தசரஸில் வியாழக்கிழமை இரவு காவல் நிலையத்தில் இருந்து வெறும் 50 மீட்டர் தொலைவில், 25 வயதான சொமாட்டோ டெலிவரி ஊழியர் சாஹில் கில் என்பவரை மர்ம நபர்கள் சுட்டுக் கொன்ற சம்பவம் பெரும் அதிர்ச்சியை ஏற்படுத்தியுள்ளது.

வீட்டிலிருந்து காய்கறி வாங்குவதற்காகச் சாஹில் கில் சென்று கொண்டிருந்தபோது, ஆக்டிவா இருசக்கர வாகனத்தில் வந்த இரு மர்ம நபர்கள் அவரை வழிமறித்துத் துப்பாக்கியால் சரமாரியாகச் சுட்டுள்ளனர். அவர்கள் சுட்ட இரண்டு தோட்டாக்களில் ஒன்று சாஹிலின் நெஞ்சுப் பகுதியில் பாய்ந்ததால், அவர் ரத்த வெள்ளத்தில் சம்பவ இடத்திலேயே சுருண்டு விழுந்து பரிதாபமாக உயிரிழந்தார்.

காவல் நிலையத்தின் மிக அருகிலேயே நடைபெற்ற இந்தத் துணிச்சலான கொலைச் சம்பவம் அப்பகுதி மக்களிடையே கடும் பீதியை உருவாக்கியுள்ளது. இச்சம்பவம் குறித்து வழக்குப் பதிவு செய்துள்ள அமிர்தசரஸ் போலிஸார், கொலையாளிகளைப் பிடிக்க அப்பகுதியில் உள்ள கண்காணிப்பு கேமராக்களை ஆய்வு செய்து தீவிர விசாரணை நடத்தி வருகின்றனர்.