எல்லை மீறிய வரதட்சணை கொடுமை… மருமகளின் காதை கடித்துத் துப்பிய மாமியார்… தமிழகத்தையே அதிர வைக்கும் சம்பவம்…!

கன்னியாகுமரி மாவட்டத்தில் வரதட்சணை கொடுமையால் மருமகளின் காதை கடித்து கொடூரமாக தாக்கிய சம்பவம் அதிர்ச்சியை ஏற்படுத்தியுள்ளது. திருவட்டார் அருகே வீயனூர் என்ற பகுதியை சேர்ந்த பிரின்ஸ் டெம்போ டிரைவருக்கு மஞ்சு என்ற மனைவி உள்ள நிலையில் இவர் தனியார் மருத்துவமனையில் செவிலியராக பணியாற்றி வருகின்றார். இந்த தம்பதிகளுக்கு இரண்டு மகள்கள் உள்ள நிலையில் வரதட்சனை கேட்டு மாமியார் மஞ்சுவிடம் அடிக்கடி தகராறு செய்து வந்துள்ளார்.

இந்தநிலையில் நேற்று மது போதையில் வீட்டுக்கு வந்த கணவனை மஞ்சு தட்டி கேட்ட நிலையில் மாமியார் அல்போன்சா மருமகளிடம் தகராறில் ஈடுபட்டு கல்லால் தலையில் கொடூரமாக தாக்கியது மட்டுமல்லாமல் காதை கடித்து துண்டாக்கியுள்ளார். இதில் படுகாயம் அடைந்த மஞ்சு அருகில் உள்ள மருத்துவமனையில் சிகிச்சைக்காக அனுமதிக்கப்பட்டுள்ளார். இந்த சம்பவம் குறித்து போலீசில் புகார் அளிக்கப்பட்ட நிலையில் போலீசார் வழக்கு பதிவு செய்து விசாரணை நடத்தி வருகிறார்கள். வரதட்சணை கொடுமையால் மருமகளின் காதை மாமியார் கடித்து துப்பிய சம்பவம் பரபரப்பை ஏற்படுத்தியுள்ளது.