“வீட்டை விற்ற பணம் வேணும்…” பேராசையில் மனைவி… மைத்துனர், சகோதரனுடன் சேர்ந்து கணவரை கொன்று நாடகம்…. சினிமாவை மிஞ்சிய பயங்கர சம்பவம்…!!

மத்திய பிரதேச மாநிலம் மாண்ட்சூர் மாவட்டம் ம மதார்புரா பகுதியைச் சேர்ந்த 32 வயதான இஸ்மாயில் என்பவரை, அவரது வீட்டை விற்ற பணத்தைக் கைப்பற்றும் பேராசையில் மனைவியும், மைத்துனனும், சகோதரனும் இணைந்து கொடூரமாகப் படுகொலை செய்த சம்பவம் பெரும் அதிர்ச்சியை ஏற்படுத்தியுள்ளது.

வீட்டை விற்ற பணம் தொடர்பாக ஏற்பட்ட குடும்பத் தகராறில், மனைவியான முஸ்கான், மைத்துனன் ஷாகீர் மற்றும் இஸ்மாயிலின் சகோதரன் முகமது இஷாக் ஆகியோர் சேர்ந்து இஸ்மாயிலின் தலையில் தடியால் தாக்கி, பின்னர் கழுத்தை நெரித்துக் கொன்றனர். கொலையை மறைப்பதற்காக உடலைக் கில்சிபுரா-நல்சா மாதா கோவில் சாலையில் உள்ள ஒதுக்குப்புறமான புதருக்குள் வீசியுள்ளனர். போலிஸாரைத் திசைதிருப்புவதற்காக இஸ்மாயிலின் சகோதரனே காவல் நிலையத்திற்குச் சென்று புகார் அளித்த நாடகமும் நடத்தியுள்ளார்.

இருப்பினும், போலிஸார் அப்பகுதியில் இருந்த சிசிடிவி காட்சிகளை மிக தீவிரமாக ஆய்வு செய்தபோது இந்த கொடூரக் கொலையின் பின்னணி அம்பலமானது. உடனடியாக மனைவியையும் சகோதரனையும் கைது செய்த நை அபாதி போலிஸார், தலைமறைவாக உள்ள மைத்துனன் ஷாகீரைத் தீவிரமாகத் தேடி வருகின்றனர்.