“திமுக – அதிமுக கூட்டணி?”… ரகசியத்தை உடைத்த ஆர்.எஸ். பாரதி… அதிர்ச்சியில் அரசியல் வட்டாரம்…!

திமுக மற்றும் அதிமுக ஆகிய இரு கட்சிகளும் இணைந்து ஆட்சி அமைக்க முயன்றதாகக் கூறப்படும் புகார்களை திமுக தலைமை கழகத் தொடர்பாளர் ஆர்.எஸ். பாரதி திட்டவட்டமாக மறுத்துள்ளார். சென்னையில் செய்தியாளர்களிடம் பேசிய அவர், அதிமுக முன்னாள் அமைச்சர் சி.வி. சண்முகம் தெரிவித்துள்ள குற்றச்சாட்டுகளில் துளியும் உண்மையில்லை என்றும், தமிழக வெற்றிக் கழகம் (தவெக) போன்ற புதிய கட்சிகளின் ஆட்சியில் ஏதேனும் பதவி கிடைக்குமா என்ற நோக்கில் அவர் இது போன்ற வீண்பழிகளை திமுக மீது சுமத்தி வருவதாகவும் விமர்சித்தார்.

முன்னதாக, எடப்பாடி பழனிசாமி திமுகவின் ஆதரவுடன் மீண்டும் முதல்வராக விரும்பியதாக சி.வி. சண்முகம் குறிப்பிட்டிருந்த நிலையில், அதற்குப் பதிலடி கொடுக்கும் வகையில் ஆர்.எஸ். பாரதி, அதிமுகவினர் குழப்பத்தில் இருப்பதாகவும், அரசியல் ஆதாயத்திற்காகவே இதுபோன்ற ஆதாரமற்ற கருத்துகளைப் பரப்பி வருவதாகவும் தெரிவித்துள்ளார்.