“என்கூட வா ஜாலியா இருக்கலாம்”… 12 வயது சிறுமியை கடத்திச் சென்ற வாலிபர்… ரூம் எடுத்து பலாத்காரம்… இறுதியில் காத்திருந்த பேரதிர்ச்சி….!

நீலகிரி மாவட்டம் குன்னூர் அருகே 12 வயது பழங்குடியின சிறுமியைக் கடத்திச் சென்ற வாலிபர், போக்சோ சட்டத்தின் கீழ் கைது செய்யப்பட்டுள்ள சம்பவம் அப்பகுதியில் பெரும் பரபரப்பை ஏற்படுத்தியுள்ளது. குன்னூர் அரசுப் பள்ளியில் 7-ஆம் வகுப்பு பயின்று வரும் அந்தச் சிறுமி, நாள்தோறும் பள்ளிக்கு நடந்து செல்வதை வழக்கமாகக் கொண்டிருந்தார். இதனைத் தமக்குச் சாதகமாகப் பயன்படுத்திக் கொண்ட லிங்கன் (30) என்ற வாலிபர், சிறுமியிடம் ஆசை வார்த்தைகளைக் கூறித் தொடர்ந்து பேசி வந்துள்ளார்.

வயது வித்தியாசமின்றி அந்தச் சிறுமியைக் காதலிப்பதாகக் கூறி நெருக்கத்தை ஏற்படுத்திய லிங்கனின் செயல் குறித்து அறிந்த சிறுமியின் பெற்றோர், அவரைக் கடுமையாகக் கண்டித்துள்ளனர். இதனால் ஆத்திரமடைந்த லிங்கன், “உன் வீட்டில் நம்மைப் பிரித்துவிடுவார்கள், என்னுடன் வந்துவிடு” எனச் சிறுமியைத் திட்டமிட்டு மூளைச்சலவை செய்துள்ளார். தொடக்கத்தில் இதற்குச் சிறுமி மறுப்பு தெரிவித்தாலும், லிங்கனின் தொடர்ச்சியான ஆசை வார்த்தைகளால் அவர் இணங்கும் சூழல் உருவானது.

கடந்த ஜனவரி 28-ஆம் தேதி, சிறுமியின் பெற்றோர் வீட்டில் இல்லாத நேரத்தைப் பயன்படுத்திக் கொண்ட லிங்கன், சிறுமியை அங்கிருந்து கடத்திச் சென்றுள்ளார். வீட்டிற்குத் திரும்பிய தாய் தனது மகள் மாயமானதைக் கண்டு அதிர்ச்சியடைந்து உறவினர்களுடன் தேடியும் எவ்விதத் தகவலும் கிடைக்கவில்லை. இதனைத் தொடர்ந்து காவல் நிலையத்தில் அளிக்கப்பட்ட புகாரின் அடிப்படையில், தனிப்படை அமைத்த போலீசார் செல்போன் சிக்னல் மற்றும் ரகசியத் தகவல்களின் மூலம் தீவிரத் தேடுதல் வேட்டையில் இறங்கினர்.

போலீசாரின் விசாரணையில், லிங்கன் அந்தச் சிறுமியுடன் கூடலூர் பகுதியில் ஒரு வாடகை வீட்டில் தலைமறைவாக இருப்பது கண்டுபிடிக்கப்பட்டது. நேற்று முன்தினம் அந்த வீட்டை அதிரடியாகச் சுற்றி வளைத்த போலீசார், சிறுமியைப் பாதுகாப்பாக மீட்டனர். சிறுமியைக் கடத்திச் சென்று வன்கொடுமைக்கு முயன்ற லிங்கனை போக்சோ சட்டத்தின் கீழ் கைது செய்த போலீசார், அவரை நீதிமன்றத்தில் ஆஜர்படுத்தி சிறையில் அடைத்தனர். இந்தச் சம்பவம் குழந்தைகளுக்கான பாதுகாப்பு குறித்த கவலையை மீண்டும் ஒருமுறை பொதுமக்களிடையே எழுப்பியுள்ளது.