“விளையாடிய 6 வயது சிறுவன்….” பலூன் தொண்டையில் சிக்கி பலியான சோகம்…. வீட்டிற்கு வந்து பதறிய பெற்றோர்…. கதறும் குடும்பத்தினர்…!!

திருப்பத்தூர் மாவட்டம் நாட்றம்பள்ளியை அடுத்த பச்சூர் கிராமத்தைச் சேர்ந்த துணி வியாபாரி குமார் மற்றும் சத்யா தம்பதியருக்கு 5 குழந்தைகள் உள்ளனர். இதில் 2 இரட்டை ஆண் குழந்தைகள் உட்பட 3 ஆண் குழந்தைகள் மற்றும் 2 பெண் குழந்தைகள் உள்ளனர். இந்நிலையில், பெற்றோர் வழக்கம் போல் வியாபாரத்தை முடித்துவிட்டு வீட்டிற்குச் சென்ற நிலையில், 6 வயது சிறுவன் சோமநாத் விளையாடும் போது எதிர்பாராதவிதமாக பலூனை விழுங்கியதாகக் கூறப்படுகிறது. அந்த பலூன் தொண்டையில் மாட்டி மூச்சுத் திணறல் ஏற்பட்டதால் சிறுவன் மயங்கி விழுந்தான்.

அதிர்ச்சியடைந்த பெற்றோர் உடனடியாகச் சிறுவனை நாட்றம்பள்ளி மருத்துவமனைக்குக் கொண்டு சென்றனர். அங்குச் சிறுவனைப் பரிசோதித்த மருத்துவர், குழந்தை மூச்சுத் திணறல் காரணமாக ஏற்கனவே உயிரிழந்துவிட்டதாகத் தெரிவித்து தொண்டையில் சிக்கியிருந்த பலூனை அகற்றினார். இச்சம்பவம் குறித்து நாட்றம்பள்ளி போலீசார் வழக்குப் பதிவு செய்து விசாரணை நடத்தி வருகின்றனர்.