“ஐயோ என் புள்ளை எங்க”…. பட்டம் விட்ட சிறுவனுக்கு நேர்ந்த கொடூரம்…. 4 நாட்களுக்குப் பின் சாக்கடையில் காத்திருந்த அதிர்ச்சி….!

டெல்லியின் ஜசோலா கிராமத்தில் பட்டம் விட்டு விளையாடிக் கொண்டிருந்த 15 வயது சிறுவன் மிதுன், திறந்திருந்த வடிகாலில் எதிர்பாராதவிதமாகத் தவறி விழுந்து உயிரிழந்த சம்பவம் அப்பகுதியில் பெரும் அதிர்ச்சியையும் சோகத்தையும் ஏற்படுத்தியுள்ளது. உத்தரப் பிரதேசத்தைப் பூர்வீகமாகக் கொண்டு டெல்லியில் கூலித் வேலை செய்து வரும் பெற்றோர், கடந்த சனிக்கிழமை முதல் சிறுவனைக் காணாமல் பல இடங்களில் தீவிரமாகத் தேடி வந்தனர். இந்நிலையில், நான்கு நாட்கள் கழித்து செவ்வாய்க்கிழமை அன்று அச்சிறுவனின் உடல் திறந்த சாக்கடையில் இருந்து மீட்கப்பட்டது, அப்பகுதி மக்களிடையே மிகுந்த மனவேதனையை உருவாக்கியுள்ளது.

இச்சம்பவத்தைத் தொடர்ந்து, பொதுமக்களின் பாதுகாப்பு மற்றும் பராமரிப்புப் பணிகளில் அலட்சியமாக இருந்ததாகக் கூறி, தென்கிழக்கு (மத்திய) மண்டலத்தைச் சேர்ந்த இளநிலைப் பொறியாளர் ஒருவரை டெல்லி மாநகராட்சி உடனடியாகப் பணி இடைநீக்கம் செய்து நடவடிக்கை எடுத்துள்ளது. மேலும், சம்பந்தப்பட்ட அதிகாரி மீது துறை ரீதியான ஒழுங்கு நடவடிக்கை தொடரப்பட்டு வருவதாகவும் மாநகராட்சி நிர்வாகம் உறுதிபடத் தெரிவித்துள்ளது. இத்தகைய விபத்துகள் இனிவரும் காலங்களில் நிகழாமல் தடுக்க திறந்தவெளி சாக்கடைகளை மூட உரிய நடவடிக்கை எடுக்க வேண்டும் என அப்பகுதி மக்கள் கோரிக்கை விடுத்துள்ளனர்.