இது என்னடா விஜய்க்கு வந்த சோதனை?…. விஜய் சேதுபதிக்கு நாங்க துணையா நிப்போம்…. களத்தில் இறங்கிய அதிமுக… இத யாரும் எதிர்பார்க்கலையே….!

தமிழகத்தில் தமிழக வெற்றிக் கழகத்தின் ஆட்சி நடைபெற்று வரும் சூழலில், முதலமைச்சர் ஜோசப் விஜய் மீதும் அவரது அரசின் மீதும் பிரதான எதிர்கட்சியான திமுக கடுமையான விமர்சனங்களை முன்வைத்து வருகிறது. குறிப்பாக, சட்டமன்றத்திலோ அல்லது மக்கள் மன்றத்திலோ எதிர்க்கட்சிகள் எழுப்பும் கேள்விகளுக்கு முதலமைச்சர் விஜய் நேரடி பதில்களைத் தருவதில்லை என்றும், பொறுப்புகளில் இருந்து விலகி ஓடுகிறார் என்றும் எதிர்க்கட்சித் தலைவர் உதயநிதி ஸ்டாலின் தொடர்ந்து குற்றஞ்சாட்டி வருகிறார்.

இந்த அரசியல் சூடான சூழலில்தான், பிரபல தனியார் தொலைக்காட்சியின் ‘பிக்பாஸ்’ நிகழ்ச்சியைத் தொகுத்து வழங்கும் நடிகர் விஜய் சேதுபதியின் பேச்சு பெரும் புயலைக் கிளப்பியுள்ளது. நிகழ்ச்சியின் டாஸ்க் ஒன்றின் போது பேசிய அவர், “தலைமைப் பண்பு என்றால் என்னவென்றே தெரியாமல் வாய்க்கு வந்த வாக்குறுதிகளைக் கொடுத்துவிட்டு, பிரச்னைகளும் பொறுப்புகளும் வரும்போது எதிரணி மீது பழியைப் போட்டுவிட்டு ஓடுவது தலைவருக்கான தகுதி இல்லை; அது ஏமாற்று வேலை” எனக் குறிப்பிட்டிருந்தார். இது பிக்பாஸ் வீட்டின் சூழலுக்கான கருத்து எனச் சொல்லப்பட்டாலும், நடப்பு அரசியலையும் முதல்வர் விஜய்யின் செயல்பாடுகளையும் மறைமுகமாகச் சாடுவதற்காகவே விஜய் சேதுபதி இவ்வாறு பேசினார் எனத் தவெக ஆதரவாளர்களும் ரசிகர்களும் கொதித்தெழுந்து, இணையதளங்களில் அவரை உக்கிரமாக விமர்சித்து வருகின்றனர்.

விஜய் சேதுபதிக்கு எதிராகத் தவெகவினரின் எதிர்ப்பு வலைதளங்களில் தீவிரமடைந்து வரும் நிலையில், இப்பிரச்சினைக்கு அரசியல் சாயம் பூசும் வகையில் அதிமுக களமிறங்கியுள்ளது. அதிமுக எம்பி இன்பதுரை தனது எக்ஸ் (ட்விட்டர்) பக்கத்தில், “நடிகர் விஜய் சேதுபதியின் கருத்துரிமையைப் பாதுகாக்கச் சட்டரீதியாக உறுதியுடன் துணை நிற்போம்” எனப் பதிவிட்டு அரசியல் வட்டாரத்தில் பரபரப்பைக் கூட்டியுள்ளார். தவெகவினர் வழக்கு தொடர்ந்தாலோ அல்லது சட்டரீதியான நெருக்கடிகளைக் கொடுத்தாலோ அதிமுக அவருக்கு ஆதரவாக நிற்கும் என்பதை உணர்த்தும் இந்த அறிக்கை, விஜய் சேதுபதியின் பேச்சைத் தாண்டி தவெக மற்றும் அதிமுக இடையிலான புதிய அரசியல் மோதலாக உருவெடுத்துள்ளது