“என் மகனின் சாவுக்கு நீதான் காரணம்…” மருமகளை கோடாரியால் வெட்டி கொன்ற மாமனார்… தாயை இழந்து பரிதவிக்கும் 2 பிள்ளைகள்…. பகீர் சம்பவம்…!!

மகாராஷ்டிரா மாநிலம் நாக்பூர் யசோதரா நகர் பகுதியைச் சேர்ந்தவர் லட்சுமி ரவிசங்கர் பாலி (42). இவரது கணவர் கடந்த மூன்று ஆண்டுகளுக்கு முன்பு உயிரிழந்த நிலையில், லட்சுமி தனது இரண்டு குழந்தைகளுடன் வசித்து வந்தார். அதே வீட்டில் லட்சுமியின் மாமனார் நத்துலால் பாலி (72) என்பவரும் தனியாக வசித்து வந்துள்ளார். உடல்நலக்குறைவால் அடிக்கடி பாதிக்கப்பட்டு வந்த நத்துலால், தனது உடல்நலக் குறைவிற்கும் மகனின் இறப்பிற்கும் மருமகள் லட்சுமி செய்த சூனியமே காரணம் எனக் சந்தேகப்பட்டு வந்துள்ளார். இதனால் இருவருக்கும் இடையே அடிக்கடி தகராறு ஏற்பட்டு வந்துள்ளது.

இந்நிலையில், லட்சுமி வீட்டில் துணி துவைத்துக் கொண்டிருந்தபோது இருவருக்கும் இடையே மீண்டும் வாக்குவாதம் முற்றியுள்ளது. ஆத்திரமடைந்த நத்துலால் அருகிலிருந்த கோடரியால் லட்சுமியின் தலையில் பலமாகத் தாக்கியதில் அவர் சம்பவ இடத்திலேயே பரிதாபமாக உயிரிழந்தார். இச்சம்பவத்திற்குப் பிறகு நத்துலால் வீட்டின் பின்புறமிருந்த கிணற்றில் குதித்து தற்கொலைக்கு முயன்ற நிலையில், போலிஸார் அவரை மீட்டு மருத்துவமனையில் அனுமதித்துள்ளனர். இக்கொலை வழக்கு குறித்து யசோதரா நகர் போலிஸார் தீவிர விசாரணை நடத்தி வருகின்றனர்.