Breaking: பட்டப்பகலில் பயங்கரம்… டாஸ்மாக்கில் இளைஞர் கழுத்தறுத்து கொடூரக் கொலை…!!

தமிழகத்தில் அடுத்தடுத்து அரங்கேறும் கொடூரக் கொலைச் சம்பவங்கள் பொதுமக்களிடையே பெரும் அச்சத்தையும் பாதுகாப்பற்ற உணர்வையும் ஏற்படுத்தியுள்ளன. திருச்சி சமயபுரத்தில் டாஸ்மாக் கடையில் ஏற்பட்ட தகராறில், பட்டப்பகலில் பிரகாஷ் என்ற இளைஞர் கழுத்தறுத்து படுகொலை செய்யப்பட்டது சட்ட ஒழுங்கின் சீர்கேட்டை வெளிப்படுத்துகிறது. இதுமட்டுமன்றி, திருப்பூரில் பெண், நெல்லையில் ஊராட்சிமன்ற தலைவர், மதுரையில் பள்ளி மாணவர், சென்னையில் தவெக பிரமுகர், நடிகர் பிரதீப் எனப் பல தரப்பினரும் தொடர்ச்சியாகக் கொல்லப்பட்டு வருவது மாநிலத்தின் பாதுகாப்புச் சூழல் குறித்த தீவிரக் கேள்விகளை எழுப்பியுள்ளது.

அண்மையில் கோவையில் மட்டுமே 11 கொலைகள் நிகழ்ந்திருப்பது குற்றச் சம்பவங்களின் வீரியத்தையும், குற்றவாளிகளுக்குச் சட்டத்தின் மீதுள்ள பயமின்மையையும் தீவிரமாகக் காட்டுகிறது. இதுபோன்ற பகிரங்கப் படுகொலைகள் தொடர்ந்து அதிகரிப்பது மக்களின் அன்றாட வாழ்வியலைப் பாதிப்பதோடு, சட்டம் ஒழுங்கை நிலைநாட்டுவதில் காவல்துறை உடனடி நடவடிக்கை எடுக்க வேண்டிய அவசியத்தையும் உணர்த்துகிறது. குற்றத் தடுப்பு நடவடிக்கைகளைத் தீவிரப்படுத்தி, பொதுமக்களின் பாதுகாப்பை உறுதி செய்ய வேண்டியது தற்போதைய கட்டாயமாகும்.