“பரந்தூர் விவகாரத்தில் வெளிவந்த திடுக்கிடும் உண்மை”….. ‘1.5 டிரில்லியன் சாத்தியமே இல்லை’…. போட்டு உடைத்த சி.வி.சண்முகம்….!

பரந்தூர் விமான நிலையத் திட்டத்தை மையப்படுத்தி தமிழக அரசியலில் மீண்டும் கடுமையான விவாதங்கள் எழத் தொடங்கியுள்ளன. சட்டப்பேரவையில் உரையாற்றிய அதிமுக முன்னாள் எம்.எல்.ஏ சி.வி.சண்முகம், பரந்தூர் விமான நிலைய விவகாரத்தில் முழுக்க முழுக்க அரசியலே நடப்பதாகக் குற்றம்சாட்டினார். சென்னை – சேலம் 8 வழிச்சாலை திட்டத்தை எதிர்க்கட்சியாக இருந்தபோது எதிர்த்த திமுக, தற்போது பரந்தூர் திட்டத்தில் விவசாயிகளின் நலனைக் கருத்தில் கொள்ளாமல் செயல்படுவதாகச் சுட்டிக்காட்டிய அவர், ஆளுங்கட்சியாகவும் எதிர்க்கட்சியாகவும் இருக்கும்போது திமுக மாறுபட்ட நிலப்பாடுகளை எடுப்பதாக விமர்சித்தார்.

தமிழகத்தில் பெரிய அளவிலான தொழிற்சாலைகள் வராததற்குக் உட்கட்டமைப்புத் திட்டங்களில் செய்யப்படும் அரசியலே முதன்மைக்காரணம் என்று அவர் தெரிவித்தார். அதிமுக ஆட்சிக் காலத்தில் தொலைநோக்குப் பார்வையுடன் கொண்டுவரப்பட்ட சென்னை – சேலம் 8 வழிச்சாலை திட்டம் திமுக ஆட்சியில் கைவிடப்பட்டதையும், திமுக அரசின் பரந்தூர் விமான நிலையத் திட்டத்திற்கு எழுந்துள்ள எதிர்ப்புகளையும் அவர் தனது உரையில் குறிப்பிட்டார். இத்தகைய அரசியல் குழப்பங்களினாலும் திட்டங்களின் மாற்றங்களினாலும் தமிழகத்தின் பொருளாதார வளர்ச்சி பெரிதும் தடைபடுவதாக அவர் ஆதங்கம் தெரிவித்தார்.

தொழிற்சாலைகளும் வேலைவாய்ப்புகளும் பெருக வேண்டுமானால் சாலைகள், விமான நிலையங்கள் போன்ற வலுவான உட்கட்டமைப்புகள் மிக அத்தியாவசியமானவை என்று வலியுறுத்திய சி.வி.சண்முகம், போதிய உட்கட்டமைப்பு இல்லாததால் பல லட்சக்கணக்கான படித்த இளைஞர்கள் வேலைவாய்ப்பின்றித் தவித்து வருவதாகக் கூறினார். பரந்தூர் விவகாரத்தில் நிலவும் இந்த அரசியல் சூழலால், அரசு இலக்கு நிர்ணயிப்பது போல 1 டிரில்லியன் அல்லது 1.5 டிரில்லியன் பொருளாதார வளர்ச்சி என்பது சாத்தியமாகாது என்றும் அவர் ஆவேசமாகத் தெரிவித்தார்.