“அட பாவமே…” கணவரின் ஆசை வார்த்தை… மனைவிக்கு நேர்ந்த கொடூரம்… தூக்கில் தொங்க விட்டு ரசித்த அரக்கன்… துடி துடித்த பெற்றோர்… போலீஸ் அதிரடி ஆக்சன்…!

கர்நாடக மாநிலம் பாகல்கோட்டை மாவட்டம் கலக்களி கிராமத்தைச் சேர்ந்தவர் பிரவீன் ஜிகலுர். இவருக்கும் இவரது மனைவிக்கும் கடந்த சில ஆண்டுகளுக்கு முன்பு திருமணம் நடைபெற்றது. திருமணத்திற்குப் பிறகு தம்பதியரிடையே அடிக்கடி குடும்பத் தகராறு ஏற்பட்டு வந்த நிலையில், மனைவியின் நடத்தை மீது பிரவீனுக்கு சந்தேகம் எழுந்துள்ளது. இதனால் கடந்த இரண்டு மாதங்களாக தனது கணவரைப் பிரிந்து பெற்றோர் வீட்டில் வசித்து வந்த மனைவியை, கடந்த ஞாயிற்றுக்கிழமை பிரவீன் நேரில் சந்தித்துள்ளார்.

கடந்த காலக் கசப்புகளை மறந்துவிட்டு இனி நாம் சேர்ந்து வாழலாம் என்று ஆசை வார்த்தைகளைக் கூறி மனைவியை தனது வீட்டிற்கு அழைத்து வந்துள்ளார். ஆனால், அன்று மாலையே இருவருக்கும் மீண்டும் தகராறு ஏற்பட்டுள்ளது. ஆத்திரத்தின் உச்சத்திற்குச் சென்ற பிரவீன், மனைவியை கட்டையால் தாக்கிவிட்டு பின்னர் தூக்கில் தொங்கவிட்டுள்ளார். மனைவியின் உயிர் போராடிக் கொண்டிருந்த அந்த கோரக் காட்சியை தனது மொபைல் போனில் வீடியோவாகப் பதிவு செய்து அவர் கொடூரமாக ரசித்துள்ளார்.

மட்டுமின்றி, மனைவியின் பெற்றோருக்கு வாட்ஸ்அப் மூலம் வீடியோ கால் செய்து, அவர்களின் மகள் உயிருக்குப் போராடும் கொடூரக் காட்சியைப் பார்க்கும்படி கட்டாயப்படுத்தியுள்ளதுடன், அந்த வீடியோவையும் பலருக்குப் பகிர்ந்துள்ளார். இதனால் அதிர்ச்சியடைந்த பெற்றோர் உடனடியாகக் காவல்துறையினருக்குத் தகவல் தெரிவித்தனர். விரைந்து வந்த போலீசார் உடலைக் கைப்பற்றி பிரேத பரிசோதனைக்கு அனுப்பியதுடன், தப்பியோட முயன்ற பிரவீனை மடக்கிப் பிடித்து கைது செய்தனர். இச்சம்பவம் அப்பகுதியில் பெரும் அதிர்ச்சியையும் சோகத்தையும் ஏற்படுத்தியுள்ளது.