“இப்படியும் ஒரு பாஸ் இருக்க முடியுமா?… தன் மேலதிகாரி பற்றி… ஊழியர் உடைத்த அந்த உண்மை… உறைந்துபோன நெட்டிசன்கள்…!”

இன்றைய கார்ப்பரேட் வேலைச் சூழலில், பல ஊழியர்கள் தங்களுக்கு ஏற்படும் சந்தேகங்களை மேலதிகாரிகளிடம் கேட்கத் தயங்குகிறார்கள். இந்நிலையில், தனக்கு எதுவும் தெரியவில்லை என்று தாழ்வுமனப்பான்மை வராதவாறு, மிகப்பொறுமையுடன் விஷயங்களைக் கற்றுக்கொடுத்த தனது மேலதிகாரிக்கு நன்றி தெரிவித்து ஊழியர் ஒருவர் பகிர்ந்த பதிவு சமூக வலைத்தளங்களில் பலரது கவனத்தையும் ஈர்த்து வைரலாகி வருகிறது.

அந்த ஊழியர் தனது பதிவில், “சிறிய சந்தேகங்களைக் கேட்கும் போது கூட, என்னை முட்டாளாகவோ அல்லது தகுதியற்றவனாகவோ உணர வைக்காமல் என் மேலதிகாரி எனக்குப் புரியவைத்தார்; அதனால் இப்போது அவர்களிடம் எந்தக் கேள்வியையும் யோசிக்காமல் தயக்கமின்றி கேட்க முடிகிறது” என்று குறிப்பிட்டுள்ளார். வேலை செய்யும் இடத்தில் பயமின்றி, சுதந்திரமாகத் தன் சந்தேகங்களை மேலதிகாரியிடம் கேட்கும் சூழல் அமைவது எவ்வளவு அரிதான மற்றும் முக்கியமான விஷயம் என்பதை அவர் நெகிழ்ச்சியுடன் விவரித்துள்ளார்.

https://www.instagram.com/reel/DbSquvZSlsk/?utm_source=ig_web_button_share_sheet

இப்பதிவு இணையவாசிகளிடையே பெரும் வரவேற்பைப் பெற்றுள்ளது. ஒரு ஊழியரின் வளர்ச்சியில் திறமையான வழிகாட்டுதலும் புரிதலும் கொண்ட மேலதிகாரி அமைவது மிகப்பெரிய ஆசீர்வாதம் என்றும், பணியிடத்தில் மனஅழுத்தமில்லாத ஆரோக்கியமான சூழலை உருவாக்க இத்தகைய தலைவர்களே மிக முக்கிய காரணம் என்றும் பலரும் கருத்து தெரிவித்து வருகின்றனர்.