“எனக்கு அந்த பையன் தான் வேணும்…” கணவர் விவாகரத்து செய்தாலும் பரவாயில்லை… 8 ஆண்டு காதலை உதறி தள்ளிய மனைவி…. பின் நடந்த சோக சம்பவம்…!!

சண்டிகர் பகுதியைச் சேர்ந்த மோனு என்ற ஆட்டோ ஓட்டுநர், கோமல் என்ற பெண்ணை 8 ஆண்டுகள் காதலித்து இருவீட்டார் சம்மதத்துடன் திருமணம் செய்துகொண்டார். இவர்களுக்கு ஒரு பெண் குழந்தை உள்ள நிலையில், வீட்டில் டியூஷன் எடுத்து வந்த கோமலுக்கு 20 வயது மாணவன் சன்னி என்பவருடன் பழக்கம் ஏற்பட்டுத் தகாத உறவாக மாறியுள்ளது. இந்த விவகாரம் கணவருக்குத் தெரியவர, பழக்கத்தைக் கைவிடுமாறு கேட்டுக்கொண்டார். ஆனால், கோமல் அதற்கு மறுப்புத் தெரிவித்ததால் இருவீட்டார் முன்னிலையில் பேச்சுவார்த்தை நடத்தப்பட்டது.

அந்தப் பஞ்சாயத்திலும், தன் கணவன் விவாகரத்து செய்தாலும் பரவாயில்லை அந்த மாணவனை விட்டுப் பிரிய முடியாது என கோமல் உறுதியாகக் கூறிவிட்டு மகளுடன் பெற்றோர் வீட்டிற்குச் சென்றுவிட்டார். இதனால் மன உளைச்சலுக்கு ஆளான மோனு வீட்டில் தனியாக இருந்தபோது உயிரை மாய்த்துக் கொண்டார். இச்சம்பவம் குறித்து மோனுவின் சகோதரர் அளித்த புகாரின் பேரில் கோமல் மீது காவல்துறையினர் வழக்குப் பதிவு செய்து தீவிர விசாரணை நடத்தி வருகின்றனர்.