CINEMA
‘லியோ’ பட குழுவினருடன் காஷ்மீரில் நடிகர் சிவகார்த்திகேயன்… வைரலாகும் புகைப்படம்… குழப்பத்தில் ரசிகர்கள்…
சிவகார்த்திகேயன் நடிப்பில் ராஜ்குமார் பெரியசாமி இயக்கத்தில் கமல்ஹாசனின் ராஜ்கமல் பிலிம்ஸ் இண்டர்நேஷனல் நிறுவனத்தின் தயாரிப்பில் ’SK21’ என்ற திரைப்படம் உருவாக இருப்பதாக கடந்த சில மாதங்களுக்கு முன்னர் அறிவிக்கப்பட்டது. மேலும் இந்த படத்திற்கு ஜிவி பிரகாஷ் இசை அமைக்க இருப்பதாக சமீபத்தில் அதிகாரப்பூர்வமான அறிவிப்பு வெளியானது.
சிவகார்த்திகேயன் ஜோடியாக சாய் பல்லவி நடிக்கும் இந்த படத்தின் படப்பிடிப்பு காஷ்மீரில் நடைபெற இருப்பதாகவும், அதற்காக படக்குழுவினர் சமீபத்தில் லொகேஷன் பார்த்து திரும்பியதாகவும் கூறப்பட்டது.இனி வேற லெவல் படப்பிடிப்புகள் தொடங்கும் என்றும் இந்த படத்தின் முக்கிய காட்சிகள் காஷ்மீரில் படமாக்கப்பட உள்ளதாகவும் தகவல்கள் கூறப்பட்டு வந்தது.
ஏற்கனவே விஜய் நடித்து வரும் ’லியோ’ படத்தின் பெரும்பாலான காட்சிகள் காஷ்மீரில் தான் படமாக்கப்பட்டது என்பது குறிப்பிடத்தக்கது. தற்பொழுது லியோ திரைப்படத்தின் இறுதிக் காட்சிகளை படமெடுக்க இயக்குனர் லோகேஷ் கனகராஜ் காஷ்மீருக்கு சென்றுள்ளார்.
நடிகர் சிவகார்த்திகேயனின் SK 21 திரைப்படத்தின் படப்பிடிப்பும் தற்பொழுது காஷ்மீரில் நடைபெற்று வருகிறது. இதைத்தொடர்ந்து லியோ படக்குழுவினருடன் நடிகர் சிவகார்த்திகேயன் எடுத்துக் கொண்ட புகைப்படமானது இணையத்தில் வெளியாகி வைரலாகி வருகிறது. இதோ அந்த புகைப்படம்….