ஜெயிலர் 2 படத்தில் என்னுடைய கேரக்டர்… – சீக்ரெட்டை ஓபன் செய்த நடிகர் சிவராஜ்குமார்!

கடந்த 2023ம் ஆண்டில் வெளியான ஜெயிலர் படம் மாபெரும் வெற்றி பெற்றது. ரூ. 650 கோடிக்கு மேல் வசூல் சாதனை புரிந்தது. இதைத் தொடர்ந்து ஜெயிலர் 2 படம் இப்போது உருவாகி வருகிறது. ஜெயிலர் 2ம் பாகத்திலும் மோகன்லால் சிவராஜ்குமார் கெஸ்ட் ரோலில் நடிக்கின்றனர்.

இந்நிலையில் சென்னையில் நடந்த விழாவில் பங்கேற்ற கன்னட நடிகர் சிவராஜ்குமார் ஜெயிலர் 2 படம் குறித்து கூறியதாவது, ஜெயிலர் முதல் பாகத்தை விட 2வது பாகத்தில் என்னுடைய கேரக்டர் நீளம் அதிகமாக இருக்கும். இந்த படத்தில் நடிக்க மொத்தம் 4 நாட்கள் கால்ஷீட் கொடுத்தேன். ஆனால் ஒரு நாள் மட்டுமே நடித்துள்ளேன்.

இன்னும் 3 நாட்களுக்கான படப்பிடிப்பு ஜனவரி மாதத்தில் நடக்க உள்ளது. கன்னடம் தமிழ் சினிமாவுக்கு இடையே நல்ல ஒரு நட்பை வலுப்படுத்த வேண்டும் என்பதற்காக இதுபோன்ற கெஸ்ட் ரோல்களில் நான் தொடர்ந்து நடிக்கிறேன் என்று நடிகர் சிவராஜ்குமார் கூறியிருக்கிறார்.