மனிதநேயமற்ற செயல்… இவனுக்கு நாய் வளர்க்க என்ன தகுதி இருக்கு…? கொளுத்தும் வெயிலில் காருக்குள்… பூட்டி வைக்கப்பட்ட நாய்… நெட்டிசன்களைக் கொந்தளிக்க வைத்த ஷாக்கிங் காட்சி…!!!

லக்னோவில் கடுமையான வெயில் மற்றும் வெப்ப அலை வீசி வரும் சூழ்நிலையில், நபர் ஒருவர் தனது செல்லப் பிராணியான நாயை பூட்டிய காரினுள்ளே தனியாக விட்டுச் சென்றுள்ளார். காரின் ஜன்னல்கள் முழுமையாக மூடப்பட்டிருந்ததால், உள்ளே காற்று மற்றும் போதிய ஆக்சிஜன் இன்றி அந்த நாய் கடும் அவதிக்குள்ளானது. காரின் கண்ணாடி வழியே நாய் தவிப்பதைக் கண்ட அங்கிருந்த பொதுமக்கள், உரிமையாளரின் இந்த இரக்கமற்ற செயலைக் கண்டு கடும் அதிர்ச்சியடைந்தனர்.

இந்தக் கொடுமையான சம்பவத்தை அங்கிருந்த ஒருவர் வீடியோவாகப் பதிவு செய்து சமூக ஊடகங்களில் பகிர்ந்துள்ளார். இந்த வீடியோ இணையத்தில் வேகமாகப் பரவி, நெட்டிசன்கள் மத்தியில் பெரும் கொந்தளிப்பை ஏற்படுத்தியுள்ளது. “இப்படியொரு நபர் செல்லப் பிராணிகளை வளர்க்கவே தகுதியற்றவர்” என்றும், விலங்குகளைத் துன்புறுத்தும் இதுபோன்ற நபர்கள் மீது கடுமையான சட்ட நடவடிக்கை எடுக்கப்பட வேண்டும் என்றும் கோரிக்கைகள் வலுத்து வருகின்றன.

இணையத்தில் வைரலான இந்த வீடியோ மற்றும் பொதுமக்களின் புகார்களைத் தொடர்ந்து, லக்னோ காவல்துறை உடனடியாக இதில் தலையிட்டுள்ளது. இது தொடர்பாக உரிய விசாரணை நடத்தப்பட்டு வருவதாகவும், சம்பந்தப்பட்ட காரின் உரிமையாளரைக் கண்டறிந்து அவர் மீது சட்டப்படி கடுமையான நடவடிக்கை எடுக்கப்படும் என்றும் லக்னோ காவல்துறை தரப்பில் அதிகாரப்பூர்வமாக உறுதி அளிக்கப்பட்டுள்ளது.