CINEMA
‘லால் சலாம்’ படத்தை பார்த்து அப்சட் ஆன தயாரிப்பாளர்.. அப்பாவை கூட்டிக்கொண்டு கிளம்பிய ஐஸ்வர்யா ரஜினி.. என்ன நடந்தது..?
தமிழ் சினிமாவில் முன்னணி நடிகராக திகழ்ந்து கொண்டிருக்கும் ரஜினியின் மூத்த மகள் தான் ஐஸ்வர்யா. இவர் சினிமாவில் இயக்குனராக இருந்து வரும் நிலையில் தன்னுடைய முன்னாள் கணவர் தனுஷை வைத்து 3, கௌதம் கார்த்திக்கை வைத்து வை ராஜா வை ஆகிய திரைப்படங்களை இயக்கியுள்ளார். இதனைத் தவிர ஆயிரத்தில் ஒருவன் திரைப்படத்தில் உன் மேல ஆசைதான் என்ற பாடலையும், அந்தப் படத்தில் ரீமாசென்க்கு டப்பிங் வாய்ஸ் கொடுத்துள்ளார். இந்த நிலையில் சினிமாவில் ஏதாவது சாதித்து விட வேண்டும் என்று நினைக்கும் ஐஸ்வர்யா ரஜினி தனது திருமண பந்தத்தில் இருந்து முற்றிலும் வெளியேறிய பிறகு பயணி என்ற மியூசிக்கல் வீடியோவை இயக்கினார்.
அதனைத் தொடர்ந்து கிரிக்கெட்டை மையமாகக் கொண்டு லால் சலாம் என்ற ஒரு திரைப்படத்தை இயக்கியுள்ளார் . இந்த திரைப்படத்திற்கான படப்பிடிப்பு திருவண்ணாமலை, சென்னை மற்றும் மும்பை ஆகிய பல இடங்களில் நடந்து முடிந்தது. போஸ்ட் ப்ரொடக்ஷன் பணிகள் அனைத்தும் தீவிரமாக நடைபெற்று வரும் நிலையில் இந்த படத்தில் விஷ்ணு விஷால் மற்றும் விக்ராந்த் ஆகியோர் முதன்மை கதாபாத்திரத்தில் நடித்துள்ளனர்.
இந்தத் திரைப்படம் அடுத்த ஆண்டு பொங்கலை முன்னிட்டு ஜனவரி மாதம் வெளியாக உள்ள நிலையில் நேற்று ரஜினியின் பிறந்த நாளை முன்னிட்டு லால்சலாம் பட குழு அவர் நடித்த காட்சிகளை டீசர் போல் கட் செய்து அதன் கிளிம்ப்சை வெளியீட்டு உள்ளது. இந்த நிலையில் படத்தை பார்த்த தயாரிப்பு நிறுவனம் இதில் ரஜினி வரும் காட்சிகள் ரசிகர்களுக்கு பிடித்தது போல் இல்லை எனவும் இதை பார்த்தால் ரசிகர்கள் ஏமாற்றம் அடைந்து விடுவார்கள் என்பதால் மீண்டும் ரஜினி வரும் காட்சிகளை படமாக்க வேண்டும் என கூறியுள்ளனர்.
இதனால் ரஜினியிடம் ஐஸ்வர்யா பேச்சுவார்த்தை நடத்திய நிலையில் இன்று முதல் மீண்டும் ஐந்து நாட்களுக்கு லால் சலாம் படப்பிடிப்பு நடைபெற உள்ளதாக தகவல் வெளியாகி உள்ளது. இந்தச் செய்தி ரஜினி ரசிகர்களை ஏமாற்றம் அடைய செய்துள்ளது. அதாவது லால் சலாம் திரைப்படத்தில் ரஜினி வித்தியாசமான கதாபாத்திரத்தில் நடித்த ரசிகர்களை உற்சாகப்படுத்துவார் என எதிர்பார்ப்புடன் இருந்த நிலையில் தற்போது தயாரிப்பு நிறுவனமே அந்த காட்சிகளை பார்த்து பிடிக்கவில்லை என்று கூறி இருப்பது அதிர்ச்சியை ஏற்படுத்தியுள்ளது.
