“என்ன விட்டுரு… ப்ளீஸ்…” கெஞ்சிய 17 வயது மாணவி…. கழுத்தறுத்து கொன்று அருகிலேயே கிடந்த காதலன்…. நெஞ்சை உலுக்கும் பகீர் சம்பவம்…!!

உத்தரப்பிரதேச மாநிலம் லக்னோவில், பிசிஏ முதலாண்டு படித்து வந்த ஸ்மிருதி பாண்டே என்ற 17 வயது கல்லூரி மாணவி, தனது சொந்த வீட்டிற்குள்ளேயே கழுத்தறுக்கப்பட்டு கொடூரமான முறையில் கொலை செய்யப்பட்டுள்ளார். இச்சம்பவம் குறித்துத் தகவல் அறிந்து விரைந்து வந்த காவல்துறையினர் நடத்திய முதற்கட்ட விசாரணையில், அதே வகுப்பில் பயிலும் தேவான்ஷ் பதக் என்ற சக மாணவனே இந்த கொடூரச் செயலில் ஈடுபட்டது தெரியவந்துள்ளது.

கொலை நடந்த இடத்திலேயே காயங்களுடன் காணப்பட்ட குற்றவாளி தேவான்ஷ் பதக்கை காவல்துறையினர் உடனடியாகக் கைது செய்தனர். அந்த மாணவி வேறு ஒரு நபருடன் பழகி பேசுவதாக ஏற்பட்ட தேவையற்ற சந்தேகத்தின் காரணமாகவே, ஆத்திரமடைந்து மாணவியின் வீட்டிற்குள் புகுந்து இக்கொலை சம்பவத்தை அவர் அரங்கேற்றியுள்ளார். இந்த திடுக்கிடும் கொலை சம்பவம் அப்பகுதியில் பெரும் சோகத்தையும் அதிர்ச்சியையும் ஏற்படுத்தியுள்ளது.