பகீர் சம்பவம்.. டெல்லியில் மீண்டும் ஒரு நிர்பயா கொடூரம்..! ஓடும் பேருந்தில் இளம்பெண் கூட்டுப் பாலியல் வன்கொடுமை.. நாடே அதிர்ச்சியில் …!!

டெல்லியில் உள்ள சராய் காலே கான் பகுதியில், பேருந்து ஒன்றில் இளம்பெண் ஒருவர் கூட்டுப் பாலியல் வன்கொடுமைக்கு உள்ளாக்கப்பட்டது பெரும் பரபரப்பை ஏற்படுத்தியுள்ளது. பாதிக்கப்பட்ட அந்த பெண், பேருந்து நிலையத்தின் அருகே தனியாக இருந்தபோது, பேருந்து ஓட்டுநர் மற்றும் நடத்துனர் ஆகிய இருவரும் அவருக்கு உதவி செய்வதாகக் கூறி ஆசை வார்த்தை காட்டி பேருந்திற்குள் அழைத்துச் சென்றுள்ளனர்.

பேருந்திற்குள் சென்றவுடன், கதவுகளைப் பூட்டிவிட்டு ஓட்டுநரும் நடத்துனரும் அந்த பெண்ணை மிரட்டி பாலியல் வன்கொடுமை செய்துள்ளனர். இச்சம்பவம் குறித்துத் தகவல் அறிந்த காவல்துறையினர் உடனடியாக விரைந்து செயல்பட்டு, பாதிக்கப்பட்ட பெண்ணை மீட்டு மருத்துவமனைக்கு அனுப்பி வைத்தனர். அங்கு அவருக்குத் தீவிர சிகிச்சை அளிக்கப்பட்டு வருகிறது.

இந்த விவகாரத்தில் டெல்லி காவல்துறையினர் வழக்குப் பதிவு செய்து தீவிர விசாரணை மேற்கொண்டனர். தலைமறைவாக இருந்த பேருந்து ஓட்டுநர் மற்றும் நடத்துனர் ஆகிய இருவரையும் போலீசார் அதிரடியாகக் கைது செய்துள்ளனர். பெண்களுக்கு எதிரான இத்தகைய குற்றங்களைத் தடுக்க கடுமையான நடவடிக்கைகள் எடுக்கப்படும் என காவல்துறை தரப்பில் உறுதியளிக்கப்பட்டுள்ளது.