“யாராலும் தப்பிக்க முடியாது உலகமே அழிந்துவிடும்” அமெரிக்காவுக்கு சீனா விடுத்த இறுதி எச்சரிக்கை – ஷி ஜின்பிங் பேச்சால் உலக நாடுகளில் நிலவும் பெரும் பதற்றம்..!!

அமெரிக்க அதிபர் டொனால்ட் டிரம்ப் மற்றும் சீன அதிபர் ஷி ஜின்பிங் இடையிலான சந்திப்பு உலக அரங்கில் பெரும் கவனத்தைப் பெற்றுள்ளது. பெய்ஜிங்கில் உள்ள ‘கிரேட் ஹால் ஆஃப் தி பீப்பிள்’ வளாகத்தில் நடைபெற்ற இந்த ஆலோசனையில், வர்த்தகம் மற்றும் அரசியல் சார்ந்த முக்கிய முடிவுகள் விவாதிக்கப்பட்டன. குறிப்பாக, சீனப் பொருட்களுக்கு அமெரிக்கா விதித்துள்ள 60% இறக்குமதி வரியைக் குறைக்க வேண்டுமானால், அமெரிக்க விவசாயிகளிடமிருந்து பில்லியன் கணக்கான டாலர் மதிப்புள்ள வேளாண் விளைபொருட்களைச் சீனா கொள்முதல் செய்ய வேண்டும் என்ற நிபந்தனையை டிரம்ப் முன்வைத்தார்.

இந்தச் சந்திப்பின் போது, சீனா தனது ‘சிவப்பு கோடுகளாகக்’ கருதும் தைவான் விவகாரம், ஜனநாயகம், மனித உரிமைகள் மற்றும் சீனாவின் அரசியல் அமைப்பு முறை குறித்து ஷி ஜின்பிங் மிகத் தெளிவாகப் பேசினார். சீனாவின் வளர்ச்சியைத் தடுக்கும் முயற்சியைக் கைவிட வேண்டும் என்று அவர் வலியுறுத்திய அதே வேளையில், இரு நாடுகளுக்கும் இடையிலான உறவைச் சீராகக் கொண்டு செல்வதற்கான ஆலோசனைகளையும் முன்வைத்தார். அமெரிக்காவின் பொருளாதாரக் கோரிக்கைகளுக்கு ஈடாக, சீனா தனது இறையாண்மை மற்றும் வளர்ச்சிப் பாதையில் சமரசம் செய்துகொள்ளாது என்பதையும் அவர் மறைமுகமாக உணர்த்தினார்.

மற்றொரு முக்கிய அம்சமாக, உக்ரைன் போரின் பின்னணியில் ரஷ்யாவிற்கு ராணுவ உதிரிப்பாகங்களை வழங்குவதை நிறுத்துமாறு டிரம்பின் தரப்பிலிருந்து கோரிக்கை விடுக்கப்பட்டது. ரஷ்யாவிற்கு ஆதரவாகச் செயல்படுவதைக் கைவிட்டால் மட்டுமே வர்த்தக ரீதியான சலுகைகள் சாத்தியம் என்ற ரீதியில் பேச்சுவார்த்தைகள் அமைந்தன. உலகப் பொருளாதாரத்தில் ஆதிக்கம் செலுத்தும் இந்த இரு நாடுகளும் தங்கள் நிபந்தனைகளை ஒருவருக்கொருவர் பகிர்ந்துகொண்டது, வருங்கால சர்வதேச அரசியலில் ஒரு புதிய மாற்றத்திற்கான தொடக்கமாகப் பார்க்கப்படுகிறது.