தலைநகர் டெல்லி மயூர் விஹார் பகுதியில் உள்ள தனியார் பள்ளியில் 3-ஆம் வகுப்பு படித்து வந்த 9 வயது சிறுமி வகுப்பறையிலேயே மயங்கி விழுந்து உயிரிழந்த சம்பவம் அப்பகுதியில் பெரும் சோகத்தை ஏற்படுத்தியுள்ளது. டெல்லி மயூர் விஹார் குதியில் இயங்கி வரும் லவ்லி ஹெரிட்டேஜ் பள்ளியில் நேற்று காலை உடற்கல்வி வகுப்பை முடித்துவிட்டு வகுப்பறைக்குத் திரும்பிய 9 வயது சிறுமி, ஆசிரியை முன்னிலையில் நின்றுகொண்டிருந்தபோது திடீரென இடுப்பில் கை வைத்து முகங்குப்புறக் கீழே விழுந்துள்ளார். இந்த அதிர்ச்சி காட்சிகள் வகுப்பறை சிசிடிவி கேமராவில் பதிவாகியுள்ளன.
சிறுமியை மீட்ட பள்ளி நிர்வாகத்தினர் பாண்டவ் நகரில் உள்ள தனியார் மருத்துவமனைக்குக் கொண்டு சென்றனர். பின்னர் மேல் சிகிச்சைக்காக நிர்மான் விஹாரில் உள்ள மருத்துவமனைக்குக் கொண்டு சென்றபோது, சிறுமி ஏற்கனவே உயிரிழந்துவிட்டதாக மருத்துவர்கள் தெரிவித்தனர். தனது மகளுக்கு எந்தவித நோயும் இல்லை என்றும், அவசரக் காலத்தில் உடனடியாக முதலுதவி வழங்கியிருந்தால் குழந்தையைக் காப்பாற்றியிருக்கலாம் என்றும், அருகில் உள்ள பெரிய மருத்துவமனைக்குக் கொண்டு செல்லாமல் தாமதித்ததாகவும் சிறுமியின் தந்தை குற்றம் சாட்டியுள்ளார். இந்த சம்பவம் குறித்து காவல்துறையினர் பிரேதப் பரிசோதனை அறிக்கைக்காகக் காத்திருந்து தீவிர விசாரணை நடத்தி வருகின்றனர்.
கோலாப்பூர் – இச்சல்கரஞ்சி-கப்னூர் வழித்தடத்தில் உள்ள கப்னூர் சௌக் பகுதியில் அதிவேகமாக வந்த டாடா பஞ்ச் கார், முன்னால் சென்று…
உணவகத்தின் கலகலப்பான சத்தங்களுக்கு நடுவே, மேஜையின் நடுவில் வைக்கப்பட்டிருந்த ஹாட் பாட் பாத்திரம் மெல்லிய புகையுடன் கொதித்துக் கொண்டிருந்தது. தட்டிலிருந்த…
கேரளாவில் வெளிநாட்டிலிருந்து சட்டவிரோதமாகக் கடத்தி வரப்பட்ட பல லட்சம் ரூபாய் மதிப்புள்ள தங்கத்தைக் கவர்ந்து செல்ல, பெண் ஒருவர் திரைப்பட…
உத்தரப் பிரதேச மாநிலம் புதௌன் மாவட்டத்தைச் சேர்ந்த கருலியா கிராமத்தைச் சேர்ந்தவர் ஏக்தா. ஏழு மாதக் கர்ப்பிணியாக இருந்த இவருக்குச்…
உத்தரப் பிரதேச மாநிலத்தில் 11-ஆம் வகுப்பு படித்துக் கொண்டிருந்த போதே காதலிப்பதாகக் கூறி, 10 ஆண்டுகள் அத்துமீறலில் ஈடுபட்டு ஏமாற்றிய…
பஞ்சாப் மாநிலம் லூதியானாவில் உள்ள ஒரு பரபரப்பான சந்தைப் பகுதியில், கட்டுப்பாட்டை இழந்து அதிவேகமாகப் பாய்ந்து வந்த கார் ஒன்று…