நிஜ ‘கடவுள்’ இவர்தான்! உயிருற்றுப் பிறந்த குழந்தை.. வாயோடு வாய் வைத்து ஊதி உயிர் கொடுத்த பெண் டாக்டர்: இணையத்தை உறைய வைத்த பகீர் வீடியோ…!!

உத்தரப் பிரதேச மாநிலம் சஹாரன்பூரில் உள்ள ஒரு அரசு ஆரம்ப சுகாதார நிலையத்தில், பிறந்து சில நிமிடங்களே ஆன ஒரு பச்சிளம் குழந்தை மூச்சுவிட முடியாமல் தவித்தது. குழந்தையின் உடல் நீல நிறமாக மாறத் தொடங்கியதைக் கண்ட அங்கிருந்த பெண் மருத்துவர் டாக்டர் ஷிப்ரா சிங், சிறிதும் தாமதிக்காமல் செயல்பட்டார். நவீன மருத்துவ உபகரணங்கள் முழுமையாக இல்லாத சூழலிலும், பதற்றமடையாமல் அக்குழந்தைக்குத் தனது வாயால் செயற்கை சுவாசம் (Mouth-to-mouth resuscitation) அளித்து உயிரைக் காப்பாற்றினார்.

இந்த நெகிழ்ச்சியான சம்பவம் அங்கிருந்த ஒருவரால் வீடியோ எடுக்கப்பட்டு சமூக வலைதளங்களில் பகிரப்பட்டது. அந்த வீடியோவில், மருத்துவர் மிகத் தீவிரமாகப் போராடி குழந்தைக்குச் சுவாசம் அளிப்பதும், இறுதியில் அந்தக் குழந்தை மெல்ல அழத் தொடங்குவதும் பதிவாகியுள்ளது. குழந்தையின் அழுகுரல் கேட்டவுடன் அங்கிருந்த செவிலியர்களும் உறவினர்களும் நிம்மதியடைந்தனர். இந்த வீடியோ தற்போது வைரலாகி வரும் நிலையில், மருத்துவரின் அர்ப்பணிப்பு உணர்வை நெட்டிசன்கள் பாராட்டி வருகின்றனர்.

மக்களிடையே “மருத்துவர்கள் கடவுளுக்கு நிகரானவர்கள்” என்ற நம்பிக்கையை இந்தச் சம்பவம் மீண்டும் உறுதிப்படுத்தியுள்ளதாகப் பலரும் கருத்து தெரிவித்து வருகின்றனர். போதிய வசதிகள் இல்லாத கிராமப்புற சுகாதார நிலையங்களில் பணியாற்றும் மருத்துவர்கள், இதுபோன்ற இக்கட்டான சூழலில் தங்கள் சமயோசித புத்தியால் எத்தனையோ உயிர்களைக் காக்கிறார்கள் என்பதற்கு டாக்டர் ஷிப்ராவின் செயல் ஒரு சிறந்த உதாரணமாகத் திகழ்கிறது.