“சாவி இருந்தும் வேலைக்கு போக முடியலையே…” கழுத்தளவு தண்ணீரில் வீடியோ வெளியிட்ட வாலிபர்…. இயற்கைப் பேரிடரில் கைகொடுத்த அதிகாரிகள்… வைரலாகும் போட்டோஸ்…!!

குஜராத் மாநிலம் வல்சாட் மாவட்டத்தில் பெய்த கனமழை காரணமாகப் பல குடியிருப்புப் பகுதிகளை வெள்ள நீர் சூழ்ந்தது. அங்குள்ள ஒரு குடியிருப்பில் வசிக்கும் சிவம் சிங் என்ற வங்கி ஊழியர், ஜூலை 23 அன்று அதிகாலைத் தனது வீட்டின் வெளியே கழுத்தளவு தண்ணீரில் நிற்கும் அதிர்ச்சியூட்டும் வீடியோவை இணையத்தில் பகிர்ந்தார். தொடர் மழையால் வீட்டை விட்டு வெளியேற முடியாமல் போனதோடு, வங்கிச் சாவி அவரிடமே இருந்தும் அன்றைய தினம் பணிக்குச் செல்ல முடியாத நிலை அவருக்கு ஏற்பட்டது.

இரண்டு நாட்களாக மின்சாரம் இன்றி மக்கள் தவித்த போதிலும், தேசிய பேரிடர் மீட்புப் படையினரும் உள்ளூர் நிர்வாகமும் விரைந்து வந்து தகுந்த நிவாரண உதவிகளை வழங்கினர். அதேபோல, அப்பகுதி மக்களும் ஒருவருக்கொருவர் உதவி செய்து, வாகனங்களைப் பாதுகாப்பான இடங்களுக்கு மாற்றியதோடு, உணவுகளையும் பகிர்ந்து கொண்டு இந்த பேரிடரை எதிர்கொண்டனர்.