திருமணமான காதலி… நள்ளிரவில் பார்க்க சென்ற காதலன்… கையும், களவுமாக பிடித்த கணவர் குடும்பத்தினர்…. பின் நடந்த பரபரப்பு சம்பவம்…!!

உத்தரப் பிரதேச மாநிலத்தில், நள்ளிரவில் திருமணமான தனது காதலியை அவரது வீட்டிற்குச் சென்று சந்தித்த 28 வயது இளைஞரைக் காதலியின் கணவன் மற்றும் குடும்பத்தினர் கொடூரமாக அடித்துக் கொலை செய்த சம்பவம் பெரும் அதிர்ச்சியையும் சோகத்தையும் ஏற்படுத்தியுள்ளது.

உத்தரப் பிரதேச மாநிலம் கான்பூர் சாத் பகுதிக்குட்பட்ட கிராமத்தைச் சேர்ந்த அதுல் திவாரி (28) என்ற இளைஞர், சனிக்கிழமை நள்ளிரவில் திருமணமான தனது காதலியை அவரது வீட்டிற்கு நேரில் சென்று சந்தித்துள்ளார். அப்போது அங்கிருந்த பெண்ணின் கணவன் மற்றும் அவரது குடும்பத்தினர் அதுல் திவாரியைக் கையும் களவுமாகப் பிடித்துள்ளனர்.

ஆத்திரமடைந்த அவர்கள், அதுல் திவாரியைத் தடிகளால் சரமாரியாகத் தாக்கி வீட்டிற்குள் உள்ள ஒரு அறையில் பூட்டி வைத்துள்ளனர். இதில் படுகாயமடைந்த இளைஞர் பரிதாபமாக உயிரிழந்தார். உயிரிழந்த இளைஞரின் உடலைப் பரிசோதித்தபோது அவரது உடலில் 50க்கும் மேற்பட்ட இடங்களில் பலத்த காயங்கள் இருந்தது கண்டறியப்பட்டது. இச்சம்பவம் தொடர்பாகக் கொலை வழக்குப் பதிவு செய்துள்ள கான்பூர் காவல்துறையினர், அந்தப் பெண் மற்றும் அவரது மாமியாரைக் கைது செய்து விசாரணை நடத்தி வருகின்றனர்.