அடகடவுளே..! அலட்சியமா? விபத்தா?… இயந்திரத்தில் பாய்ந்த கரண்ட்… 8 தொழிலாளர்கள் பலியான கோரம்… நடுங்க வைத்த மின் விபத்து…!!

ராஜஸ்தான் மாநிலம் ஜுன்ஜுனு மாவட்டத்திற்குட்பட்ட சாபோலி பகுதியில், கிராமங்களை இணைக்கும் குறுகிய சாலை அமைக்கும் பணி தீவிரமாக நடைபெற்று வந்தது. இப்பணியில் ஈடுபட்டிருந்த தொழிலாளர்கள், தார் மற்றும் சரளைக்கற்களைக் கலக்கும் பெரிய இயந்திரத்தை இயக்கி சாலையைச் செப்பனிடும் வேலையைச் செய்து கொண்டிருந்தனர்.

அப்போது எதிர்பாராதவிதமாக, அப்பகுதியில் மேலே தாழ்வாகச் சென்ற உயர் அழுத்த மின்கம்பி சாலையமைக்கும் இயந்திரத்தின் மீது உரசியது. இதனால் நொடிப் பொழுதில் இயந்திரம் முழுவதும் மின்சாரம் பாய்ந்த நிலையில், அதைத் தொட்டுக்கொண்டு பணியில் ஈடுபட்டிருந்த தொழிலாளர்கள் மீது பயங்கரமாக மின்சாரம் தாக்கியது.

இந்த கோர விபத்தில் சிக்கி சம்பவ இடத்திலேயே எட்டு தொழிலாளர்கள் பரிதாபமாக உயிரிழந்தனர். மேலும், மூன்று பெண்கள் உட்பட ஐந்து பேர் படுகாயமடைந்த நிலையில் உடனடியாக மீட்கப்பட்டு, அருகில் உள்ள மருத்துவமனையில் தீவிர சிகிச்சைக்காக அனுமதிக்கப்பட்டுள்ளனர்.