சிக்கன் பர்கரில் நெழிந்த புழுக்கள்… அதிர்ந்து போன வாடிக்கையாளர்… பாரபட்சம் காட்டிய உணவுப்பாதுகாப்புத்துறை அதிகாரிகள்.!!

சென்னை ஆவடி அடுத்த அயப்பாக்கம் பகுதியை சேர்ந்தவர் வனிதா. இவர் தன்னுடைய இரண்டு மகள்களோடு ஆவடி பருத்திப்பட்டில் உள்ள மெக்டோனால்ஸ் என்ற உணவிற்கு சாப்பிட சென்றுள்ளார். அங்கு சிக்கன் பர்கர் ஆர்டர் செய்துள்ளார்கள்.  இதனையடுத்து சிக்கன் பர்கர் 15 நிமிடம் கழித்து டேபிளுக்கு வந்துள்ளது. அதை இரண்டு சிறுமிகளும் சாப்பிட்டுள்ளார்கள். அப்போது பர்கரில் ஏதோ நெளிவது போல தெரிந்துள்ளது. அப்போது பார்த்தபோது புழுக்கள் உயிருடன் நெளிந்துள்ளது.

இதை கண்டு அதிர்ச்சி அடைய தாய் வனிதா  ஊழியர்களிடம் கேட்டபோது அவர்கள் அலட்சியமாக பதில் அளித்ததாக கூறப்படுகிறது. இதனையடுத்து வனிதா காவல்நிலையத்தில் புகார் அளித்த நிலையில் சம்பவ இடத்திற்கு விரைந்து வந்த காவல்துறையினர் விசாரணை நடத்தியதில் எந்த ஒரு பொருளிலும் புழு இல்லை என்று கூறி சமாளித்துள்ளார் ஹோட்டலில் மேனேஜர். இதனை அடுத்து புழு இருந்த பர்கரை சாப்பிட்ட இரண்டு சிறுமிகளையும் மருத்துவமனைக்கு அழைத்துச் செல்ல சொன்னதோடு, பாதிக்கப்பட்டவர்களை உணவு பாதுகாப்பு துறையில் புகார் அளிக்கவும் அறிவுறுத்தியுள்ளார்கள் காவல்துறையினர். இதனனையடுத்து ஆய்வு மேற்கொண்ட உணவு பாதுகாப்பு துறை அதிகாரிகள் அபராதம் எதுவும் விதிக்காமல் சில பொருட்களை ஆய்வுக்கு மட்டுமஎடுத்து சென்றுள்ளார்கள்.