பெற்றோர்களே உஷார்….! ஆதார் பயோமெட்ரிக் அப்டேட் செய்ய கடைசி தேதி எப்போது…? முழு விவரம் இதோ…!!

ஆதாரில் பயோமெட்ரிக் தகவல்களை இலவசமாகப் புதுப்பித்துக் கொள்ள செப்டம்பர் 30-ஆம் தேதி வரை கால அவகாசம் வழங்கப்பட்டுள்ளது. குறிப்பாக, 5 முதல் 17 வயதுக்குட்பட்ட குழந்தைகளின் கைரேகை மற்றும் கருவிழிப் பதிவுகளை இந்தத் தேதிக்குள் எவ்விதக் கட்டணமுமின்றி அப்டேட் செய்து கொள்ளலாம் என்று இந்திய தனித்துவ அடையாள ஆணையம் தெரிவித்துள்ளது. 5 வயதில் ஒரு முறையும், 15 வயதில் இரண்டாவது முறையும் இந்தப் பயோமெட்ரிக் விவரங்களைப் புதுப்பிப்பது கட்டாயமாகும்; அவ்வாறு செய்யத் தவறினால் குழந்தைகளின் ஆதார் கார்டு செயலிழந்து போவதுடன், பள்ளிச் சேர்க்கை மற்றும் அரசு உதவித்தொகை பெறுவதில் சிக்கல்கள் ஏற்படக்கூடும்.

பெற்றோர்கள் தங்கள் குழந்தைகளின் பழைய ஆதார் அட்டையுடன் அருகில் உள்ள அங்கீகரிக்கப்பட்ட மையங்களுக்கு நேரில் சென்று இந்த மாற்றங்களைச் செய்து கொள்ளலாம்; இதற்கு மேலதிக ஆவணங்கள் ஏதும் தேவையில்லை என்பதுடன் ஆன்லைனில் செய்ய இயலாது என்பதையும் கவனத்தில் கொள்ள வேண்டும். இதேபோல், ஆதாரில் முகவரி மற்றும் பெயர் போன்ற இதர விவரங்களை இலவசமாகப் புதுப்பிக்க ஜூன் 14-ஆம் தேதி கடைசி நாளாக அறிவிக்கப்பட்டுள்ளது. எனவே, காலக்கெடு முடிவதற்குள் இந்தச் சேவைகளைப் பயன்படுத்தி தேவையற்ற அலைச்சலையும் கட்டணங்களையும் தவிர்க்குமாறு அறிவுறுத்தப்படுகிறார்கள்.