கணவருக்கு ஆண்மை குறைவு.. வாரிசுக்காக மருமகளையே மாறி மாறி பாலியல் பலாத்காரம் செய்த மாமனார், நாத்தனாரின் கணவர்.. உடந்தையாக இருந்த குடும்பம்…!

குஜராத் மாநிலத்தில் மாமனாரே மருமகளை பாலியல் வன்கொடுமை செய்த சம்பவம் அதிர்ச்சியை ஏற்படுத்தி உள்ளது. குஜராத் மாநிலம் வதோதரா மாவட்டத்தில் 40 வயதான பெண்ணுக்கு கடந்த 2024 ஆம் ஆண்டு பிப்ரவரி மாதம் திருமணம் நடந்துள்ளது. அந்தப் பெண்ணுக்கு 40 வயது ஆகியுள்ள நிலையில் கருவுறுதல் பிரச்சனை இருக்கலாம் என்பதற்காக மருத்துவரை அணுகியுள்ளனர். அப்போது மருத்துவர்கள் அவருடைய கணவரின் விந்தணு எண்ணிக்கை மிகவும் குறைவாக உள்ளதால் இயற்கையான முறையில் கருத்தரிக்க முடியாது என்றும் செயற்கை முறையில் கருத்தரிக்க முயற்சி செய்யலாம் என்றும் கூறியுள்ளனர்.

ஆனால் அந்த பெண்ணுக்கு செயற்கை முறையில் கருத்தரிக்க விருப்பம் இல்லாததால் குழந்தையை தத்தெடுக்க முயற்சி செய்து உள்ளார். ஆனால் அதற்கு பெண்ணின் குடும்பம் சம்மதம் தெரிவிக்கவில்லை. இப்படியான நிலையில் கடந்த ஆண்டு ஜூலை மாதம் முதல் அந்த பெண்ணை அவருடைய மாமனார் தொடர்ந்து பாலியல் வன்கொடுமை செய்துள்ளார். இதனை அவருடைய கணவரிடம் கூற அவரோ எனக்கு குழந்தை வேண்டும், அதனால் இதைப் பற்றி நீ வெளியில் சொல்லக்கூடாது.

இதை மீறினால் உன்னுடைய நிர்வாண புகைப்படங்களை இணையத்தில் வெளியிட்டு விடுவேன் என்று மனைவியை கணவர் மிரட்டியுள்ளார். இதனை தொடர்ந்து மருமகளை பலமுறை மாமனார் பாலியல் வன்கொடுமை செய்த நிலையில் கர்ப்பம் தரிக்கவில்லை. இதனை தொடர்ந்து கணவரின் தங்கையுடைய கணவர் குழந்தைக்காக அந்த பெண்ணை பாலியல் வன்கொடுமை செய்துள்ளார். பல மாதங்கள் தொடர்ந்து அவர் அந்த பெண்ணை பாலியல் வன்கொடுமை செய்ததன் விளைவாக இந்த ஆண்டு ஜூன் மாதம் அந்த பெண் கருத்தரித்துள்ளார். ஆனால் சில வருடங்களில் அந்த கரு கலைந்து விட்டது. இதனைத் தொடர்ந்து அந்த பெண் போலீசில் புகார் அளித்த நிலையில் போலீசார் வழக்கு பதிவு செய்து விசாரணை நடத்தி வருகிறார்கள்.