FLASH NEWS: கோயில் அருகே சிறுவன் ஓட ஓட வெட்டிக்கொலை … தமிழகத்தில் காலையிலேயே பரபரப்பு…!

மதுரை மீனாட்சி அம்மன் கோயில் அருகே அதிகாலையில் 17 வயது சிறுவன் குபேந்திரன் ஓட ஓட விரட்டி வெட்டிக்கொலை செய்யப்பட்ட சம்பவம் பெரும் பரபரப்பை ஏற்படுத்தியுள்ளது. உயிரிழந்த சிறுவன் மீது ஏற்கனவே சில குற்ற வழக்குகள் நிலுவையில் இருப்பதாகக் கூறும் காவல்துறை, கடந்த சித்திரை திருவிழாவின் போது ஏற்பட்ட முன்விரோதம் மற்றும் மோதல் காரணமாகவே இந்த கொடூரக் கொலை நடந்திருக்கலாம் என சந்தேகிக்கிறது. மக்கள் நடமாட்டம் அதிகம் உள்ள கோயில் பகுதியில் அரங்கேறியுள்ள இந்த துணிகரச் சம்பவம், அப்பகுதி மக்களிடையே கடும் அதிர்ச்சியையும் அச்சத்தையும் ஏற்படுத்தியுள்ளது.

இவ்விவகாரம் தற்போது சமூக வலைத்தளங்களில் (SM) தமிழக அரசுக்கு எதிரான கடுமையான விவாதமாக உருவெடுத்துள்ளது. பொதுமக்களின் பாதுகாப்பு கேள்விக்குறியாகியுள்ளதாகக் குற்றம் சாட்டும் நெட்டிசன்கள், சட்டம் ஒழுங்கு சீர்குலைந்துவிட்டதாக அரசின் மீது கடுமையான விமர்சனங்களை முன்வைத்து வருகின்றனர். வரலாற்றுச் சிறப்புமிக்க ஆன்மீகத் தலத்தின் அருகிலேயே இத்தகைய கொடூரம் நிகழ்ந்திருப்பது, மாநிலத்தின் பாதுகாப்பு ஏற்பாடுகள் மற்றும் உளவுத்துறையின் செயல்பாடுகள் குறித்த விவாதங்களை இணையத்தில் மேலும் சூடாக்கியுள்ளது.