முருங்கைக்காய் பறிக்க சென்றபோது சோகம்… திடீரென பாய்ந்த மின்சாரம்… துடிதுடித்து உயிரிழந்த பெண்..!!

ராமநாதபுரம் மாவட்டம் பரமக்குடி அருகே உள்ள கோகலூர் ஒன்றிய சத்திரக்குடி தென்றல் நகர் பகுதியில் வசித்து வருபவர் நாகராஜன். இவருடைய மனைவி தாமரைச்செல்வி. 56 வயதான இவர் வீட்டு அருகில் முருங்கை மரத்தில் காய்ந்து கிடந்த முருங்கைக்காயை இரும்பு கம்பியால் தட்டி பிடுங்கிக் கொண்டிருத்துள்ளார்.

அப்போது அவருடைய காலில் அணிந்திருந்த செருப்பு  வழுக்கி நிலைதடு மாறியுள்ளார் . அப்போதுஅவருடைய கையில் வைத்திருந்த இரும்பு கம்பி அருகில் உள்ள உயர் அழுத்த மின்கம்பியின் மேல் பட்டதால் அவர் மீது மின்சாரம் தாக்கியுள்ளது. இதனால் சம்பவ இடத்திலேயே உடல் கருகி பரிதாபமாக உயிரிழந்துள்ளார். இதுகுறித்து காவல்துறையினர் விசாரணை நடத்தி வருகிறார்கள்.