கோர்ட்டில் அரங்கேறிய கூத்து… இன்னைக்கு நான் தான்… நீதிபதி சீட்டில் அமர்ந்த பெண் செய்த ரகளையால்… நீதிமன்றத்தில் பரபரப்பு…!!

வாரணாசி நீதிமன்றத்தில் பெண் ஒருவர் நீதிபதியின் நாற்காலியில் அமர்ந்து ரகளை செய்த விசித்திரமான சம்பவம் சமூக வலைதளங்களில் வைரலாகி வருகிறது. நீதிமன்ற அறைக்குள் நுழைந்த அந்தப் பெண், திடீரென மாவட்ட நீதிபதியின் இருக்கையில் போய் அமர்ந்து கொண்டார். இதனைப் பார்த்து அதிர்ச்சியடைந்த நீதிமன்ற ஊழியர்களும் வழக்கறிஞர்களும் அவரை கீழே இறங்குமாறு எவ்வளவோ வற்புறுத்தியும், அவர் கேட்காமல் பிடிவாதம் பிடித்தார்.

அந்த இருக்கையில் அமர்ந்துகொண்டு, “இன்று நான் தான் மாவட்ட நீதிபதி, நானே தீர்ப்பு வழங்குவேன்” என்று அந்தப் பெண் சத்தமாகக் கூறினார். மேலும், அங்கிருந்த மேஜையைத் தட்டி, நீதிமன்றப் பாணியில் “ஆர்டர், ஆர்டர்” என்றும் கத்தினார். அவரை அங்கிருந்து அகற்ற முயன்ற பெண் காவலர்கள் மற்றும் ஊழியர்களுடன் அவர் வாக்குவாதத்தில் ஈடுபட்டு, அவர்களைத் தாக்க முற்பட்டதால் நீதிமன்ற வளாகத்தில் பெரும் பரபரப்பு ஏற்பட்டது.

நீண்ட போராட்டத்திற்குப் பிறகு, பெண் போலீசார் அந்தப் பெண்ணை வலுக்கட்டாயமாக நாற்காலியில் இருந்து இறக்கி, நீதிமன்ற அறையை விட்டு வெளியே அழைத்துச் சென்றனர். விசாரணையில், அந்தப் பெண் மனநலம் பாதிக்கப்பட்டவர் என்பது தெரியவந்துள்ளது. இந்த முழுச் சம்பவத்தையும் அங்கிருந்த யாரோ ஒருவர் தனது மொபைல் போனில் வீடியோ எடுத்து சமூக வலைதளங்களில் பகிர, அது தற்போது இணையத்தில் வேகமாகப் பரவி வருகிறது.