“குறி வச்சு தூக்கும் தவெக அரசு”… அடுத்த விக்கெட் ரெடி… 60 ஆண்டுகால ரகசிய ஒப்பந்தம் காலி… மாஜிக்களை சைலண்ட் மோடுக்கு அனுப்பிய விஜய் அரசின் அதிரடி வேட்டை…!

தமிழக அரசியல் வரலாற்றில் நீண்ட காலமாக திமுக மற்றும் அதிமுக ஆகிய இரு கட்சிகள் மட்டுமே மாறி மாறி ஆட்சி செய்து வந்த நிலையில், தற்போது ஏற்பட்டுள்ள புதிய அரசியல் சூழல் முன்னாள் அமைச்சர்கள் மத்தியில் பெரும் கலக்கத்தை ஏற்படுத்தியுள்ளது. கடந்த காலங்களில் ஆட்சி மாற்றம் ஏற்படும்போது சோதனைகளும் வழக்குகளும் வெறும் அரசியல் சடங்காக மட்டுமே முடிந்துவிடும் என்ற நிலையை மாற்றி, தற்போதைய தவெக அரசு ஊழல் புகார்கள் மீது கடுமையான நடவடிக்கைகளை எடுக்கத் தொடங்கியுள்ளது. ஏற்கனவே அனிதா ராதாகிருஷ்ணன், எ.வ. வேலு, மற்றும் செந்தில் பாலாஜி ஆகியோர் விசாரணை வளையத்திற்குள் கொண்டு வரப்பட்டுள்ளதால், திமுகவின் பல முன்னாள் அமைச்சர்கள் தங்களின் எதிர்காலம் குறித்த அச்சத்தில் தற்போது ‘சைலண்ட் மோடிற்கு’ சென்றுள்ளதாகத் தகவல்கள் தெரிவிக்கின்றன.

இந்தச் சூழ்நிலையில், கடந்த திமுக ஆட்சிக் காலத்தில் தனியார் பள்ளிகளுக்கு அங்கீகாரம் வழங்குவதிலும், அதனைப் புதுப்பிப்பதிலும் 100 கோடி ரூபாய்க்கும் மேல் முறைகேடு நடந்ததாகக் கூறி, திமுக பிரமுகர் அரசகுமார் கைது செய்யப்பட்டு சிறையில் அடைக்கப்பட்டுள்ள விவகாரம் பெரும் பரபரப்பைக் கிளப்பியுள்ளது. இந்த வழக்கில் தீவிர விசாரணை நடத்தப்பட்டால், இறுதியாகப் பாய்ந்து வரும் குற்றச்சாட்டுக்கள் தன் மீதே திரும்பும் என்பதால் அன்றைய பள்ளிக்கல்வித்துறை அமைச்சர் கடும் பதற்றத்தில் உள்ளதாகக் கூறப்படுகிறது. இந்த சட்டரீதியான நெருக்கடியில் இருந்து தப்பிக்க, தற்போதைய ஆளுங்கட்சிக்கு நெருக்கமான தொழிலதிபர்கள் மூலம் அவர் திரைமறைவு பேச்சுவார்த்தைகளில் ஈடுபட்டு வருவதாகவும் அரசியல் வட்டாரங்களில் செய்திகள் கசிந்து வருகின்றன.

முந்தைய அரசுகளைப் போலன்றி, லஞ்சம் மற்றும் ஊழல் மூலம் சொத்துக் குவித்த மாஜி அமைச்சர்கள் மீது உரிய விசாரணை நடத்தி அவர்களுக்குத் தகுந்த தண்டனையைப் பெற்றுத் தர வேண்டும் என்பதில் தவெக அரசு தீவிரமாகச் செயல்பட்டு வருகிறது. குறிப்பாக கே.என். நேரு, அன்பில் மகேஷ், செந்தில் பாலாஜி, சிவசங்கர், எ.வ. வேலு, மூர்த்தி மற்றும் சேகர்பாபு உள்ளிட்ட பல முக்கியப் புள்ளிகளின் பெயர்கள் தவெக அரசின் அதிரடிப் பட்டியலில் இடம்பெற்றுள்ளதாகத் தெரிகிறது. இந்த ஊழல் வழக்குகளின் மூலம் முறைகேடுகளில் ஈடுபட்டவர்களுக்குத் தண்டனை பெற்றுத் தருவதன் வழியாக, திமுகவின் மீதான நம்பகத்தன்மையைக் குறைத்து, தவெக அரசு மக்கள் மத்தியில் தங்களின் நேர்மையான நிர்வாகத்திற்கான பிம்பத்தை மேலும் வலுப்படுத்தத் திட்டமிட்டுள்ளது.