மொட்டமாடிகூட இல்ல.. 1’st floor வரை தண்ணி வந்துடுச்சு… சீக்கிரமா எங்கள காப்பாத்துங்க.. மறைந்த நடிகர் சேதுராமனின் மனைவி வெளியிட்ட பதிவு…

‘கண்ணா லட்டு தின்ன ஆசையா’ படத்தின் மூலம் தமிழ் திரை உலகில் கதாநாயகனாக  அறிமுகமானவர் நடிகர் சேதுராமன். எம்பிபிஎஸ் எம்டி படித்த இவர் மும்பை மற்றும் சிங்கப்பூரில் தோல் சிகிச்சை அளிக்கும் பயிற்சி பெற்றிருந்தார். இவருக்கு கடந்த 2016ல்  திருமணம் முடிந்தது. உமையாள் என்கிற மனைவியும் ஒரு மகளும் உள்ளனர்.

இப்படத்திற்கு பிறகு இவர் வாலிப ராஜா, சக்கபோடு  போடு ராஜா மற்றும் 50|50 ஆகிய படங்களில் நடித்துள்ளார். நடிகர் சந்தானமும் சேதுராமனும் நெருங்கிய நண்பர்கள். இவர் மருத்துவராக பயிற்சி பெற்றிருந்தாலும் இவருக்குள் ஒரு நடிகன் இருப்பதை கண்டுபிடித்து இவர் நடிகராக மக்கள் மத்தியில் பிரபலமானார்.

தொடர்ந்து படங்களில் நடித்துக் கொண்டும் மருத்துவ வேலை செய்து கொண்டும் தனது கனவை நோக்கி பயணித்து வந்த சேதுராமன் 2020ல் மாரடைப்பின் காரணமாக உயிரிழந்தார். தற்பொழுது இவரது மனைவி உமா சேதுராமன் தனது கணவர் தொடங்கிய மருத்துவமனையை கவனித்துக் கொண்டு வருகிறார். இவர் தன்னுடைய இன்ஸ்டாகிராம் பக்கத்தில் தன்னுடைய கணவர் பற்றி எப்பொழுதும் பதிவுகளை பகிர்ந்து வருகிறார்.

சென்னை முழுவதும் தற்பொழுது மிக்ஜாம் புயலால் சிக்கி தவித்து வருவதை நாம் அறிவோம். தற்பொழுது நடிகர் சேதுராமனின் மனைவி தனது இன்ஸ்டா பக்கத்தில், ‘ Need help @ Egret park – Anand nagar , Thoraipakkam . 40 families in the community . And we are not able to reach the families from morning . Water has reached 1 st floor and increasing .’ என்று குறிப்பிட்டுள்ளார். அதாவது, ‘ உதவி தேவைப்படுவதாகவும், 40 க்கு மேற்பட்ட குடும்பங்கள் வெள்ளத்தில் சிக்கி தவிப்பதாகவும்’ கூறியுள்ளார். இதோ அவரின் பதிவு…