விஜய் டிவியில் மிகவும் பிரபலமாக ஒளிபரப்பாகி வரும் சீரியல் சிறகடிக்க ஆசை இந்த சீரியலுக்கு என்று தனி ரசிகர்கள் பட்டாளம் இருக்கின்றது.இந்த சீரியல் ப்ரோமோக்காக ஏகப்பட்ட ரசிகர்கள் காத்திருக்கிறார்கள். அந்த வகையில் தற்போது வெளியான ப்ரோமோவானது ரசிகர்களை குஷி படுத்தியுள்ளது என்று தான் கூற வேண்டும். பொதுவாக இந்த சீரியலில் வரும் ரோகிணி மற்றும் விஜயா கதாபாத்திரத்தை பலருக்கும் பிடிக்காது.
அப்படி இருக்க ரோகினியின் மாமியாரான விஜயா ரோகிணியின் தந்தை விரைவில் ஜெயிலில் இருந்து வெளிவர வேண்டும் என்பதற்காக ஒரு கோவிலுக்கு கூட்டிச்சென்று பரிகாரம் செய்ய வைக்கிறார்.அப்படி மஞ்சள் சேலை அணிந்து சென்ற ரோகிணியின் தலையில் தண்ணீரை ஊற்றி கையில் சூடத்தை ஏற்றி வைத்து ஆரத்தி காட்ட சொல்கிறார் விஜயா. அதைத்தொடர்ந்து அங்கபிரதட்சணம் செய்ய சொல்கிறார்.
இப்படி வெளியான பிரமோவை பார்த்து பலரும் கொண்டாட்டத்தில் இருக்கிறார்கள். ஏனென்றால் ரோகினி எப்பவும் மீனாவை குத்தி காட்டி பேசிக் கொண்டே இருப்பார். அது மட்டும் இல்லாமல் விஜயாவும் மூத்த மருமகள் பணக்கார வீட்டு பொண்ணு என்று அவரை தலையில் தூக்கிக் வைத்து பேசுவார். சமீப காலமாக அவரது தந்தை வராத காரணத்தினால் அவர் மீது கோபத்தை காட்டி வருகிறார்.ரோகிணி குறித்து முழு உண்மை எப்போது வெளிவரும் என அனைவரும் ஆவலுடன் காத்திருக்கிறார்கள்.
