“அந்த” காமெடிக்கு “சொந்தக்காரர்” அவர்தான்…. அதுக்குள்ள இப்படியா…? மனம் திறந்து பேசிய வடிவேலு…!!

இயக்குனரும், நடிகருமான மாரிமுத்து கடந்த 8- ஆம் தேதி மாரடைப்பால் உயிரிழந்தார். அவர் சின்ன திரையில் ஒளிபரப்பாகும் எதிர்நீச்சல் தொடரின் மூலம் பிரபலம் ஆனவர். நடிகர் மாரிமுத்து வாலி, சண்டை கோழி, பைரவா உள்ளிட்ட 20-க்கும் மேற்பட்ட படங்களில் துணை நடிகராக நடித்துள்ளார்.

கடந்த 2008-ஆம் ஆண்டு வெளியான கண்ணும் கண்ணும் திரைப்படத்தின் மூலம் மாரிமுத்து இயக்குனராக அறிமுகம் ஆனார். அவர் கண்ணும் கண்ணும், புலிவால் ஆகிய திரைப்படங்களை இயக்கியுள்ளார். அவரது இறப்பிற்கு திரை பிரபலங்கள் பலர் இரங்கல் தெரிவித்து வருகின்றனர். இந்நிலையில் நடிகர் மாரிமுத்துவின் இறப்பு குறித்து நகைச்சுவை நடிகர் வடிவேலு கூறியதாவது, மாரிமுத்து நல்ல மனிதர்.

அவர் இறந்ததை எண்ணி மிகவும் வருந்துகிறேன். கடைசியாக அவர் தனது மனைவி, மகள், மகனுடன் கொடுத்திருந்த பேட்டியையும் பார்த்து நான் சந்தோஷப்பட்டேன். ஆனால் அதற்குள் இப்படி ஆகிவிட்டது. கண்ணும் கண்ணும் திரைப்படத்தில் “யாரு கேட்டாலும் சொல்லாத; போலீஸ் வந்து அடிச்சு கேட்டாலும் யார்கிட்டயும் சொல்லாத” என்ற காமெடியை உருவாக்கியது அவர்தான்.

அதே போல கிணத்தை காணோம் என்ற காமெடிக்கு சொந்தக்காரரும் அவர்தான். நகைச்சுவை உணர்வு மிக்க மனிதர் எல்லாரிடமும் நன்றாக பேசுவார். அவர் இறந்ததை இப்போதும் ஏற்றுக்கொள்ள முடியவில்லை. அவரை இழந்து தவிக்கும் குடும்பத்தினருக்கு எனது ஆழ்ந்த இரங்கலை தெரிவித்துக் கொள்கிறேன் என கூறினார்.