ட்விஷா சர்மாவின் கடைசி நிமிடங்கள்! தற்கொலைக்கு முன் வெளியான பகீர் சிசிடிவி காட்சி… கதறித் துடித்த கர்ப்பிணியின் மரண விபரீதம்..!!

மத்தியப் பிரதேச மாநிலம் போபாலில், ஓய்வு பெற்ற நீதிபதி கிரிபாலா சிங்கின் மருமகளும் சமர்த் சிங்கின் மனைவியுமான ட்விஷா சர்மா என்ற பெண், கடந்த மே 12ஆம் தேதி தனது வீட்டில் தூக்கிட்டு தற்கொலை செய்து கொண்டார். 2025 டிசம்பர் 12 அன்று திருமணமான இவருக்கு, அவரது கணவர் மற்றும் மாமியார் தரப்பிலிருந்து கடுமையான மன மற்றும் உடல் ரீதியான சித்திரவதைகள் அளிக்கப்பட்டதாக ட்விஷாவின் பெற்றோர் குற்றம் சாட்டியுள்ளனர். இது தற்கொலை அல்ல, கொலை என்று குற்றம் சாட்டும் அவரது குடும்பத்தினர், வழக்கை நேர்மையான முறையில் விசாரிக்கக் கோரி போபாலில் உள்ள முதலமைச்சர் இல்லம் முன்பாக போராட்டத்திலும் ஈடுபட்டனர்.

தற்போது இந்த வழக்கில் ட்விஷா சர்மாவின் கடைசி நிமிட காட்சிகள் அடங்கிய சிசிடிவி (CCTV) வீடியோ சமூக ஊடகங்களில் வெளியாகி பெரும் அதிர்வலையை ஏற்படுத்தியுள்ளது. மே 5ஆம் தேதி அதிகாலை பதிவாகியுள்ள அந்த வீடியோவில், ட்விஷா மாடிப்படி வழியாக ஒரு அறைக்குச் செல்வதும், பின்னர் அவரது உடலை மூன்று நபர்கள் மாடியிலிருந்து கீழே தூக்கிக் கொண்டு வருவதும் பதிவாகியுள்ளது. இந்த வீடியோவில் ஓய்வு பெற்ற நீதிபதியான அவரது மாமியார் கிரிபாலா சிங்கும் காட்சியளிக்கிறார். இந்த ஆதாரங்கள் ட்விஷாவின் மரணத்தில் உள்ள மர்மத்தை அதிகரித்துள்ளன.

மேலும், இறப்பதற்கு சில நாட்களுக்கு முன்பு ட்விஷா தனது தோழி மீனாட்சிக்கு இன்ஸ்டாகிராமில் அனுப்பிய இறுதிச் செய்திகளும் வெளியாகியுள்ளன. அதில், “நான் மாட்டிக்கொண்டேன் (trapped) சகோதரி, தயவுசெய்து நீ மட்டும் இதில் மாட்டிக்கொள்ளாதே. என்னால் இப்போது அதிகம் பேச முடியாது, சரியான நேரம் வரும்போது அழைக்கிறேன்” என்று மிகுந்த மன உளைச்சலுடனும் பயத்துடனும் அவர் குறிப்பிட்டுள்ளார். இந்த சிசிடிவி காட்சிகள் மற்றும் இன்ஸ்டாகிராம் பதிவுகள் ட்விஷாவின் மரணத்திற்குப் பின்னால் இருக்கும் மர்மங்களை வெளிக்கொண்டு வர வேண்டும் என்ற கோரிக்கையை வலுப்படுத்தியுள்ளன.