நீதி எங்கே போகிறது? சிறையில் இருந்து வந்த பாலியல் கைதிக்கு ஹீரோ ரேஞ்சுக்கு வரவேற்பு அளித்த ஆதரவாளர்கள்: வைரல் வீடியோவால் கொதிக்கும் நெட்டிசன்கள்..!

உத்தரபிரதேச மாநிலத்தில் பாலியல் வன்கொடுமை மற்றும் போக்சோ (POCSO) சட்டத்தின் கீழ் கைது செய்யப்பட்டு சிறையில் அடைக்கப்பட்டிருந்த நபர் ஒருவர், நீதிமன்றத்தால் ஜாமீனில் விடுவிக்கப்பட்டார். அவர் சிறையிலிருந்து வெளியே வந்ததும், அவரது ஆதரவாளர்கள் மற்றும் உறவினர்கள் சிறை வாசலிலேயே ஒன்று கூடி, அவருக்கு மலர் மாலைகள் அணிவித்து, பொன்னாடைகள் போர்த்தி மிகுந்த உற்சாகத்துடன் வரவேற்பு அளித்தனர். இந்த கொண்டாட்டத்தின் போது பட்டாசுகள் வெடிக்கப்பட்டு, முழக்கங்கள் எழுப்பப்பட்டதாகத் தெரிகிறது.

இந்த வரவேற்பு நிகழ்வின் போது எடுக்கப்பட்ட வீடியோக்கள் மற்றும் புகைப்படங்கள் சமூக வலைத்தளங்களில் வேகமாகப் பரவி, பொதுமக்கள் மத்தியில் பெரும் அதிர்ச்சியையும் கண்டனத்தையும் ஏற்படுத்தியது. ஒரு கொடூரமான குற்றச்சாட்டில் சிக்கிய நபருக்கு, ஏதோ பெரிய சாதனை செய்துவிட்டு வருவது போல சமூகம் மாலை அணிவித்து வரவேற்பு அளிப்பது, பாதிக்கப்பட்ட பெண்ணின் குடும்பத்தினரையும், சமூக ஆர்வலர்களையும் பெரிதும் வேதனைக்குள்ளாக்கியது.

சட்டத்தின் முன் குற்றவாளியாகக் கருதப்படும் ஒருவருக்கு இது போன்ற “வீர வரவேற்பு” அளிப்பது, குற்றச் செயல்களில் ஈடுபடுபவர்களுக்குத் தைரியத்தை ஊட்டுவது போல் அமைந்துவிடும் என்று சமூக வலைத்தளங்களில் பலரும் தங்களது எதிர்ப்பைப் பதிவு செய்து வருகின்றனர். இத்தகைய சம்பவங்கள் பாதிக்கப்பட்ட பெண்களுக்கான நீதியைத் கொச்சைப்படுத்துவதாகக் கூறியுள்ள பொதுமக்கள், இந்த அவமதிப்பான செயலில் ஈடுபட்ட ஆதரவாளர்கள் மீது காவல்துறை கடுமையான நடவடிக்கை எடுக்க வேண்டும் என்றும் கோரிக்கை விடுத்துள்ளனர்.