“அரசியலுக்கு வந்த பின் கடவுள் நம்பிக்கை”… சற்றுமுன் தவெக தலைவர் விஜய் கொடுத்த விளக்கம்…!

தமிழக அரசியல் கட்சிகள் சார்பில் ஒவ்வொரு கிறிஸ்துமஸ் பண்டிகையின் போதும் கிறிஸ்துமஸ் விழா கொண்டாடப்படுவது வழக்கம். அதன்படி தமிழக வெற்றி கழகம் சார்பாக செங்கல்பட்டு மாவட்டம் மாமல்லபுரத்தில் உள்ள ப்போர் பாயிண்ட்ஸ் கன்வென்ஷன் சென்டரில் இன்று காலை 10.30 மணிக்கு கிறிஸ்துமஸ் விழா கொண்டாட்டம் தொடங்கியது. சமத்துவ கிறிஸ்துமஸ் விழா என்ற பெயரில் நடைபெறும் இந்த விழாவில் தமிழக வெற்றி கழகம் கட்சியின் தலைவர் விஜய் கலந்து கொண்டு பேசியுள்ளார்.

அப்போது நிகழ்ச்சியில் உரையாற்றிய விஜய், அரசியலுக்கு வந்த பிறகு கடவுள் நம்பிக்கை உண்டு என அறிவித்தது ஏன் தெரியுமா? உண்மையான நம்பிக்கைதான் நல்லிணக்கத்தை விதைக்கும். மற்றவர்களின் நம்பிக்கையை மதிக்க சொல்லித் தரும். கண்டிப்பாக ஒரு ஒளி பிறக்கும். அந்த ஒளி நம்மை வழிநடத்தும். அனைத்து புகழும் எல்லாம் வல்ல இறைவனுக்கே. Praise the Lord. எல்லாருக்கும் கிறிஸ்துமஸ் வாழ்த்துகள். அனைத்து புகழும் எல்லாம் வல்ல இறைவனுக்கே பொருந்தும் என்று மாமல்லபுரத்தில் நடந்த சமத்துவ கிறிஸ்தவ விழாவில் விஜய் பேசியுள்ளார்.