“இது என்னடா விஜய்க்கு வந்த சோதனை”… வாங்குனது 50,000.. ரிட்டர்ன் 5,000… தவெக உட்கட்சி தேர்தலில் திடீர் பின்னடைவு….!

தமிழக வெற்றிக் கழகத்தின் உட்கட்சித் தேர்தல் மற்றும் உறுப்பினர் சேர்க்கை பணிகள் தீவிரமடைந்து வரும் நிலையில், விருப்ப மனுக்கள் விநியோகத்தில் ஏற்பட்ட எதிர்பாராத பின்னடைவு அக்கட்சி வட்டாரத்தில் சலசலப்பை ஏற்படுத்தியுள்ளது. தொடக்க நாளில் சுமார் 10,000 மனுக்கள் பெறப்பட்டதாகவும், ஆன்லைன் வழியாக 40,000 மனுக்கள் வரை விநியோகிக்கப்பட்டதாகவும் தகவல்கள் தெரிவிக்கின்றன. இருப்பினும், கள நிலவரப்படி 5,000-க்கும் குறைவான மனுக்களே பூர்த்தி செய்யப்பட்டு மீண்டும் ஒப்படைக்கப்பட்டுள்ளதாகக் கூறப்படுகிறது. ஆர்வத்துடன் மனுக்களை வாங்கிய தொண்டர்கள், அவற்றை சமர்ப்பிப்பதில் தற்போது சுணக்கம் காட்டி வருவது தலைமைக்கு அதிர்ச்சியை ஏற்படுத்தியுள்ளது.

இந்த மந்தநிலைக்குப் பின்னால் இருக்கும் முக்கியக் காரணமாக ‘கட்டண விவகாரம்’ பேசப்படுகிறது. வெறும் 100 ரூபாய்க்கு விருப்ப மனுவை வாங்கிய தொண்டர்கள், அதனைப் பூர்த்தி செய்து மீண்டும் ஒப்படைக்கும்போது சுமார் 10,000 ரூபாய் வரை கட்டணம் செலுத்த வேண்டியுள்ளதாகக் கூறப்படுகிறது. சாதாரணத் தொண்டர்களுக்கு இந்தத் தொகை பெரும் சுமையாக இருப்பதால், மனுக்களை வாங்கிய பலர் அதனைத் திருப்பித் தர முன்வரவில்லை எனத் தெரிகிறது. கட்சிப் பணிகளில் காட்டிய அதே வேகத்தை நிதி வசூலிலும் எதிர்பார்த்த நிலையில், இந்தத் தொய்வு நடிகர் விஜய்யை மிகுந்த அதிருப்தியில் ஆழ்த்தியுள்ளதாக அரசியல் வட்டாரங்கள் தெரிவிக்கின்றன.