அந்த கதையில் தான் நடிகர் சூர்யா நடிக்கப் போகிறாரா? அஸ்வத் மாரிமுத்து இயக்கும் புதிய படம் குறித்த லேட்டஸ்ட் அப்டேட்!

ஓ மை கடவுளே மற்றும் டிராகன் ஆகிய வெற்றிப் படங்களை தமிழ் சினிமா ரசிகர்களுக்கு தந்தவர் இயக்குனர் அஸ்வத் மாரிமுத்து. அடுத்ததாக நடிகர் சூர்யா நடிக்கும் ஒரு படத்தை அஸ்வத் மாரிமுத்து டைரக்ட் செய்ய உள்ளார். அதற்கு முன்பாக நடிகர் சிம்பு நடிக்கும் காட் ஆஃப் லவ் என்ற படத்தையும் அஸ்வத் மாரிமுத்து டைரக்ட் செய்ய தயாராக உள்ளார். இந்த படத்திற்கான ப்ரீ புரடக்சன் பணிகள் வேகமாக நடந்து வருகின்றன.

இதற்கிடையில் நடிகர் ரஜினியிடம் அஸ்வத் மாரிமுத்து ஒரு கதை சொல்லியிருந்தார். அந்த கதை பிடித்திருந்தாலும் அந்த படத்தில் ரஜினி நடிக்க முடியவில்லை. இந்த நிலையில் ரஜினிக்கு சொன்ன அதே கதையை தற்போது சூர்யாவிடம் சொல்லி ஓகே செய்திருக்கிறார் அஸ்வத் மாரிமுத்து. இந்த படம் கமர்சியல் எண்டர்டெயின்மென்ட் படமாகவும் அயன் படத்தில் இருந்த வைப் இந்த படத்தில் இருக்கும். நிச்சயமாக நடிகர் சூர்யாவுக்கு அயன் படம் போல இந்த படமும் ஒரு திருப்புமுனையாக அமையும் என்றும் சொல்லப்படுகிறது.