“இது அதிமுக இல்ல, எடப்பாடி திமுக”… சீக்கிரம் அழியப் போறாரு… இபிஎஸ்-ஐ லெப்ட் அண்ட் ரைட் வாங்கிய டிடிவி தினகரன்…!

தமிழகத்தில் 2026 ஆம் ஆண்டு சட்டமன்ற தேர்தலை எதிர்கொள்ள இபிஎஸ் பாஜகவுடன் கூட்டணி வைத்துள்ளதால் கட்சி நிர்வாகிகள் பலரும் அதிருப்தியை வெளிப்படுத்தி வருகின்றன. அதன்படி சமீபத்தில் செங்கோட்டையன் பிரிந்து கிடக்கும் அதிமுகவினர் அனைவரும் மீண்டும் ஒன்றிணைய வேண்டும் என eps-க்கு கெடு விதித்திருந்தார்.

இதனைத் தொடர்ந்து அவரை முக்கிய பொறுப்புகளில் இருந்து நீக்கி இபிஎஸ் உத்தரவிட்டார். பிறகு அமித்சாவை சந்தித்து பேசிய செங்கோட்டையன் மௌனம் காத்து வந்தார். இதனிடையே சமீபத்தில் பசும்பொன்னில் ஓபிஎஸ், டிடிவி தினகரன் மற்றும் சசிகலா ஆகியோரை செங்கோட்டையன் சந்தித்தார். இது அரசியல் ரீதியாக பெரும் பரபரப்பை கிளப்பி இருந்த நிலையில் நேற்று கட்சியிலிருந்து மொத்தமாக செங்கோட்டையனை நீக்கி இபிஎஸ் உத்தரவிட்டார்.

இதனைத் தொடர்ந்து செங்கோட்டையனை நீக்கியது தொடர்பாக பலரும் விமர்சனம் செய்து வருகிறார்கள். இந்நிலையில் இபிஎஸ் தனக்குத்தானே அழிவைத் தேடிக் கொள்கிறார், அவர் வீழ்ந்து விடுவார் என்ற டிடிவி தினகரன் கடுமையாக சாடியுள்ளார். இப்போது இருப்பது அதிமுக அல்ல, எடப்பாடி திமுக (EDMK) என விமர்சித்த அவர், செங்கோட்டையன் தீவிரமான அதிமுக தொண்டன், ஒரு திறமையான நிர்வாகி, அவரை நீக்கும் அளவுக்கு இபிஎஸ்-க்கு தகுதி இல்லை என்றும் கொந்தளித்தார். 2026 ஆம் ஆண்டு தேர்தலில் எடப்பாடி திமுக வீழ்த்தப்படுவது உறுதி. இதை யாராலும் தடுக்க முடியாது எனவும் எச்சரித்துள்ளார்.