“இது கிங் கோலி சாம்ராஜ்யம்” எவனும் அசைக்க முடியாது… கடைசி பந்தில் த்ரில் வெற்றி… விராட் கோலி செய்த வெறித்தனமான கொண்டாட்டம்.. வைரலாகும் வீடியோ..!!

ராய்ப்பூரில் நடைபெற்ற ஐபிஎல் 2026 லீக் போட்டியில், மும்பை இந்தியன்ஸ் அணிக்கு எதிராக ராயல் சேலஞ்சர்ஸ் பெங்களூரு அணி கடைசி பந்தில் திரில் வெற்றி பெற்றது. முதலில் பேட்டிங் செய்த மும்பை அணியை புவனேஷ்வர் குமார் தனது அபாரமான பந்துவீச்சால் (4 விக்கெட்டுகள்) கட்டுப்படுத்தினார். 167 ரன்கள் என்ற இலக்கை நோக்கி ஆடிய ஆர்சிபி அணிக்கு குருணால் பாண்டியா அதிரடியாக ஆடி 73 ரன்கள் குவித்தாலும், ஆட்டம் கடைசி ஓவர் வரை சென்றது. கடைசி பந்தில் ராசிக் சலாம் வெற்றி ரன்னை அடிக்க, ஆர்சிபி 2 விக்கெட் வித்தியாசத்தில் அபார வெற்றி பெற்றது.

இந்த அதிரடி வெற்றியால் உற்சாகமடைந்த விராட் கோலி, மைதானத்தில் துள்ளிக்குதித்து தனது மகிழ்ச்சியை வெளிப்படுத்தினார். குறிப்பாக, இந்தப் போட்டியின் தொடக்கத்தில் ரோகித் சர்மாவின் விக்கெட்டை புவனேஷ்வர் குமார் வீழ்த்தியபோது, கோலி காட்டிய ‘Badass’ ரக கொண்டாட்டம் மற்றும் போட்டியின் இறுதியில் அவர் வெளிப்படுத்திய ஆக்ரோஷமான உணர்ச்சிகள் சமூக வலைதளங்களில் காட்டுத்தீயாய் பரவின. கோலியின் இந்த உணர்ச்சிவசமான கொண்டாட்டம், ஆர்சிபி ரசிகர்களுக்குப் பெரும் உற்சாகத்தைக் கொடுத்தது.

இந்த வெற்றியின் மூலம் ஆர்சிபி அணி புள்ளிப்பட்டியலில் முதலிடத்திற்கு முன்னேறியது மட்டுமல்லாமல், மும்பை இந்தியன்ஸ் அணியைப் பிளே-ஆஃப் ரேசில் இருந்தும் வெளியேற்றியது. ஒரு வாழ்வா சாவா போராட்டத்தில் கிடைத்த இந்த வெற்றியைக் கோலி தனது வழக்கமான பாணியில் வெறித்தனமாகக் கொண்டாடியது, அவரது கிரிக்கெட் மீதான தீராத ஆர்வத்தை மீண்டும் ஒருமுறை நிரூபித்தது. “King Kohli” என ரசிகர்களால் அழைக்கப்படும் அவரது இந்த வைரல் வீடியோக்கள் தற்போது இணையதளங்களில் டிரெண்டாகி வருகின்றன.